ಈ ಸಂಜೆ ಯಾಕೊ ತಣ್ಣಗಿತ್ತು ಬಿಸಿ ಚಹದ ಹಬೆಯಲಿ ಬಿಸಿಲು ಕರಗಿ ಇಳಿಯುತ್ತಿತ್ತು ಗಾಳಿಗೊಡೆದ ತರಗೆಲೆಗಳು ತಂಗಾಳಿಯಲಿ ಅಲೆಯುತ್ತಿತ್ತು ಸುಳಿಯುತಿತ್ತು ತೇಲುತ್ತಿತ್ತು ಭಾವದೆದೆ ಹರಿದ ಬಾನಾಗಿತ್ತು ಹರಿವ ನದಿ ಹೊಸ ಹಾಡೊಂದ ಹೊಸೆದು ಗುನುಗುತ್ತಿತ್ತು ಹೊಳೆಸಾಲ ಬದಿಗೆ ಇಣುಕಿ ರವಿಕಿರಣ ಮಿಂಚುತ್ತಿತ್ತು ಗಾಯನದ ತರಂಗಲೀಲೆಗೆ ಕೊಳಲು ಖುಷಿಯಲಿ ಕುಣಿಯುತ್ತಿತ್ತು ನಾದಾಮೃತದ ಹಾಯಿದೋಣಿಗೆ ಎದೆ ಹಾಡ ಹರಿಗೋಲಾಗಿತ್ತು ನಾಟ್ಯ ಚತುರ ನಟರಾಜನ ಗೆಜ್ಜೆಗೆ ಕಲ್ಲುಗಳೆದ್ದು ಕುಣಿಯುತ್ತಿತ್ತು ಗೀತಸಾರದ ಮುರಾರಿಯ ಕೊಳಲಿಗೆ ಶ್ರೋತೃಗಳ ಕಿವಿ ಮಿಡಿಯುತ್ತಿತ್ತು ದುಷ್ಯಂತನಾಗಮನಕೆ ಸಂಜೆಯ ದನಿ ಶಕುಂತಲೆಯ ನಡಿಗೆಗೆ

ನಿರಂತರ ------------ ಕ್ರಾಂತಿಯ ಹಾದಿಗೆ ಇರದು, ಎಂದೂ ನಿಲುಗಡೆ; ಸರ್ವರಿಗೂ ನ್ಯಾಯ ಸಿಗುವ ವರೆಗೆ, ಇಲ್ಲ ಹೋರಾಟದಿಂದ ಅದಕೆ ಬಿಡುಗಡೆ. ಡಾ. ಬಸವರಾಜ ಸಾದರ

ಪಟ್ಟು ಪಠ್ಯ! ----------------- ಪಟ್ಟು ಹಿಡಿಯಬೇಕೆ ರಾಜಕೀಯ ಪಕ್ಷ-ಪಟುಗಳು ಮಕ್ಕಳ ಪಠ್ಯದ ವಿಷಯದಲ್ಲಿ? ಸುಟ್ಟು ಕರಕಾಗದಿರವೆ, ಮೊಗ್ಗು ಮನಸುಗಳು, ಪುಸ್ತಕದಲ್ಲೇ ತರ-ತಮ-ದ್ವೇಷದ ಬೆಂಕಿಯ ಹಚ್ಚಿದಲ್ಲಿ? ಡಾ. ಬಸವರಾಜ ಸಾದರ

ಕಲ್ಲು-ಹೃದಯ ------------------ ಕೆತ್ತಬಹುದು ಯಾವುದೇ ಹೆಸರನ್ನು ಸುಂದರ ಅಕ್ಷರಗಳಿಂದ ಕಗ್ಗಲ್ಲಿನಲ್ಲಿ; ಪಡಿ- ಮೂಡಿಸುವುದು ಕಷ್ಟ ಅದೇ ಹೆಸರಕ್ಷರಗಳನ್ನು ಬೇರೆಯವರ ಮನಸ್ಸು, ಹೃದಯಗಳಲ್ಲಿ. ಡಾ. ಬಸವರಾಜ ಸಾದರ.

ಕಾಲ-ಕಾಯಿ ---------------- ಮೆತ್ತಗೆ ಅಗಬಹುದು, ಒತ್ತಿ ಹಣ್ಣ ಮಾಡ- ಹೊರಟರೆ ಕಸುಗಾಯಿ; ಸಿಹಿಯಾಗಲು ಸಾಧ್ಯವೆ? ಪಕ್ವತೆಯ ಕಾಲ ಬರದೆ, ಹುಳಿಗಾಯಿ? ಡಾ. ಬಸವರಾಜ ಸಾದರ

ತಟ್ಟು-ಮುಟ್ಟು ------------------ ತಟ್ಟದೆ ಬಾಗಿಲು, ಬಾಗದು ಸೊಕ್ಕಿ ಮೆರೆವ ತಲೆ; ಮುಟ್ಟದೆ ತಿಳಿಯದು ಮುಗ್ಧ ಹೃದಯಕ್ಕೆ, ಸತ್ಯದ ಬೆಲೆ. ಡಾ. ಬಸವರಾಜ ಸಾದರ

ಚಕ್ರಸತ್ಯ ------------ ಪ್ರತಿ ಸೋಲಿನ ಅಂಚಲ್ಲೂ ಅಡಗಿರುತ್ತದೆ ಗೆಲುವಿನ ಸೆಲೆ; ಪ್ರತಿ ಗೆಲುವಿನ ಮರೆಯಲ್ಲೂ ಹೆಣೆದಿರುತ್ತದೆ ಸೋಲಿನ ಬಲೆ. ಡಾ. ಬಸವರಾಜ ಸಾದರ

ಒಂದು.....ಎರಡು......ಮೂರು ಹೀಗೆ ಸುರುವಾಗಿದೆ ಕ಼ಣಗಣನೆ. ಹಚ್ಚಿಟ್ಟ ಹಣತೆಯ ಬೆಳಕು ಕೀ಼ಣವಾಗಿದೆ ಈಗಾಗಲೆ. ಸಮಯ ಬಹಳಿಲ್ಲ ಇನ್ನು. ಎಣ್ಣೆತೀರಿ,ಬತ್ತಿಸುಟ್ಟು ಕರಕಲು ಖಮಟುವಾಸನೆ ಒಳಗೆಲ್ಲ- ತುಂಬಿ ಉಸಿರುಗಟ್ಟಿದ ಅನುಭವ. ಸಮಯ ಬಹಳಿಲ್ಲ ಇನ್ನು. ಕಣ್ಣೆದುರು...ಮಬ್ಬು....ಮಬ್ಬು ಜೀವ,ಜೀವನ ಚಿತ್ರಗಳೆಲ್ಲ ಅಸ್ಪಷ್ಟ, ಚಿತ್ತದ ಒಳಗೂ.....ಹೊರಗೂ. ಸಮಯ ಬಹಳಿಲ್ಲ ಇನ್ನು. ದಡಸೇರಗೊಡದೆ ಕಾವಲು ಅಲೆ, ಹಟಕ್ಕೆ ಬಿದ್ದಂತೆ ನೂಕಿ....ನೂಕಿ, ತೂತು ದೋಣಿ, ಕಣ್ಣಳತೆಗೂ ದೂರ- ಕಡಲ ಮಧ್ಯದಲ್ಲಿ ಅಸ್ಪಷ್ಟ. ಸಮಯ ಬಹಳಿಲ್ಲ ಇನ್ನು. ಆಲಯದೊಳಗೆ ಬಂಧಿ, ಬಯಲ ಬಣ್ಣದ ಹಕ್ಕಿ ಚೀತ್ಕರಿಸಿ ಚಡಪಡಿಸುತ್ತಿದೆ ಒಂದೇ ಸವ

ಏಲಾಗೀತ ***( ಗಂಗಾವತರಣದಿಂದ) ಏಲಾವನ ಲವಲೀಬನ ಲವಂಗ ಬನಗಳಲೀ ನಾಗಲತಾ ಸಂಕುಲ ಬನವಾಸಿಯ ಜನಗಳಲೀ ಲೀಲಾಂದೋಲಿತ ದೋಲಾ ಲಲನಾಮಣಿಗಳಲಿ/ಏಲಾ ಏಲಾಪದ ಲೀಲಾಪದ ಆಲಾಪದ ಸರಣೀ ಸಖಸಖಿಯರ ಮೇಳಾಪದೆ ತೆರೆದಿರೆ ಎದೆ ಭರಣಿ ಆಲಿಸುತಿವೆ ಮಾಲಿಸುತಿವೆ ಹರಿಣದ ಜತೆ ಹರಿಣಿ/ ಙಂ ಞಣನಮಾ, ಅಂ ಜ್ಞ ಓಂ ಜಂ ಸಂ ಶಂ ಎಂಬಾ ಅಂಬಾಗರೆವುದು ವಾಣಿಯ ವೀಣೆಯು ಬಾಯ್ತುಂಬಾ ಬಾ ಅಮ್ಮಾ ಅಮಾ ಬಾ ಬಾರೇ ಜಗದಂಬಾ/ ಉಸಿರುಸಿರಲಿ ಸರಿವರಿದೂ ಊದೂದುತ ನಲಿದು ದನಿಯೆ ನದಿಯೊಲಿ ಚಲಿಸಿತು ಕೊಂಕೊಂಕೆನೆ ಒಲೆದು ಅಲೆಯಾಯಿತು ಬಲೆಯಾಯಿತು ಜಗದಗಲಕೆ ಸೆಲೆದು/ ಕಿನ್ನರಿ ಕಿನ್ನರಿ ಮಿಥುನವು ಅರೆಅರೆ ಮೈಗೂಡಿ ನುಡಿಯಲಿ ಹುದುಗಿದ ಹುರುಳೊಳು ಹದುಳ

ಕಳೆದುಹೋಗಿದ್ದೇನೆ ನಾನು ಹುಡುಕಿಕೊಡಿ, ನಿನ್ನೆ ಇದ್ದ ನೆನಪು; ಬೆಳಿಗ್ಗೆಯೆಂದರೆ ಕಾಣಿಸಲಿಲ್ಲ ನನಗೆ ನಾನೇ...‌ ಅತ್ತಿತ್ತ ತಡಕಾಡಿದೆ ಸುತ್ತಮುತ್ತ ಹುಡುಕಾಡಿದೆ ಊಂಹೂಂ.... ಎಲ್ಲಿಯೂ ಇದ್ದ ಅನುಭವ ಬರಲಿಲ್ಲ, ಅವರಿವರ ಕೇಳಬೇಕೆಂದರೆ ಒಬ್ಬರೂ ನನ್ನ ಮಾತು ಕೇಳಿಸಿಕೊಳ್ಳಲಿಲ್ಲ, ನೋಡಿದಂತೆನಿಸಿದರೂ ನೋಡಲಿಲ್ಲ; ಮೈ ಮುಟ್ಟಿ ನೋಡಿಕೊಂಡೆ ದೇಹಸ್ಪರ್ಶವಾದಂತೆನಿಸಲಿಲ್ಲ ಕನ್ನಡಿಯ ಮುಂದೆ ನಿಂತು ನನ್ನ ನಾ ನೋಡಬಯಸಿದೆ ಕನ್ನಡಿಯಲ್ಲಿಯೂ ನಾನಿರಲಿಲ್ಲ ಹಾಗಿದ್ದರೆ ನಾ ನಿಜವಾಗಿಯೂ ಹೋದುದೆಲ್ಲಿಗೆ? ಯಾರನ್ನು ಕೇಳಬೇಕು? ಹೇಗೆ ಕೇಳಬೇಕು? ಕೊನೆಗೆ ನಿಶ್ಚಯಿಸಿದೆ ನನ್ನನ್ನು ನಾನೇ ಹುಡುಕಿಕೊಳ್ಳಬೇಕು, ನನ್ನೊ

ನನ್ನಮ್ಮ ಇರುವಾಗ ಎದೆ ತುಂಬ ಒಲವಿತ್ತು ನೂರಾನೆ ಬಲವಿತ್ತು ಬಳಗಕ್ಕೆ ।ಸಾಹಸದಿ। ಗೆದ್ದೇ ಗೆಲುವೆನೆಂಬ ಛಲವಿತ್ತು ॥ ಮತ್ತೆ ಅವಳಿರುವಾಗ ಮೊಗ ತುಂಬ ನಗುವಿತ್ತು ಹಸಿದ ಹೊಟ್ಟೆಗೆ ಮೂರ್ಹೊತ್ತು ।ಕವಳ। ಮನೆಯಲ್ಲಿ ತುಂಬಿ ಇರುತಿತ್ತು ॥ ಬಡಿದಾಡಿ ಗುದ್ದಾಡಿ ಕಷ್ಟದ ಕೆಲಸವ ಕರ್ಪೂರದಂತೆ ಕರಗಿಸುತ ।ನನ್ನಮ್ಮ । ಮನದಲ್ಲಿ ಸಂತಸ ಕಾಣುವಳು॥ ಅನ್ನಪೂರ್ಣೆ ನನ್ನಮ್ಮ ಸೌಭಾಗ್ಯದ ಹೆಣ್ಣು ಕೈತುಂಬ ಕೆಲಸ ಮನೆಯಲ್ಲಿ। ತಲೆತುಂಬ। ನೆಂಟರಿಗುಣಬಡಿಸುವಳು॥ ಏನಿದ್ದರೇನಂತೆ ಯಾರಿದ್ದರೇನಂತೆ ಪ್ರೀತಿ ಆದರ ತೋರಿದರೂ।ತಾಯಿ ಮಮತೆ। ಮತ್ತೆ ದೊರೆವುದೆ ತವರಲ್ಲಿ?॥ ರಚನೆ-ಸಾವಿತ್ರಿ ಮಾಸ್ಕೇರಿ

ನೊಣಗುಣ ---------------- ಹೇಸಿಗೆಯ ಮೇಲೆ ಕೂಡುವ ನೊಣ, ಹಾರಿ ಬೇರೆಡೆ ಹೊಲಸು ಮಾಡುವುದೇ ಅದರ ಗುಣ; ಹಿಡಿಯುತ್ತದೆ ಒಳ್ಳೆಯ ಜಾಗ; ಹರಡುತ್ತದೆ ಇನ್ನಿಲ್ಲದ ರೋಗ ಡಾ. ಬಸವರಾಜ ಸಾದರ --- + ---

ಕೊಳೆನಾಶಕ ----------------- ಮನದ ಮೈಲಿಗೆ ತೊಳೆಯಲು, ಮನವೆ ಬಟ್ಟೆ; ಸೃಷ್ಟಿ ನಿರ್ಮಿಸಿದೆ ಎಲ್ಲ ಕೊಳೆ- ನಾಶಕಗಳನ್ನೂ ನಮ್ಮೊಳಗೆ ಇಟ್ಟೆ! ಡಾ. ಬಸವರಾಜ ಸಾದರ

ಬೆಂಕಿ-ವ್ಯಾಪ್ತಿ ---------------- ಕಡ್ಡಿ ಗಿರುವ ಮುನ್ನವೇ ಅರಿತಿರಬೇಕು ಬೆಂಕಿ ಹರಡುವ ವ್ಯಾಪ್ತಿ; ಉರಿ ಹತ್ತಿದ ಮೇಲೆ ಹೊಯ್ಕೊಂಡರೂ ನಿಲ್ಲದು, ಆಗುವುದೆಲ್ಲ ಪರಿಸಮಾಪ್ತಿ. ಡಾ. ಬಸವರಾಜ ಸಾದರ

ನುಡಿನೋವು ------------------ ನಿತ್ಯವೀಗ, ಸತ್ಯವನ್ನು ಕೊಲ್ಲುವ ಮಿಥ್ಯವೆಂಬ ಹೆಣದ ಮೆರವಣಿಗೆ; ಎತ್ತಿ ಹೇಳಿ ಹೇಳಿ, ಸೋತು ಸುಣ್ಣವಾಗುತ್ತಿದೆ, ಎಂದೂ ದಣಿಯದ ಬರವಣಿಗೆ. ಡಾ. ಬಸವರಾಜ ಸಾದರ

ಕಾಲ-ಕ್ರಿಯೆ. --------------- ಕಾಯಿ ಹಣ್ಣಾಗದೆ ತೊಟ್ಟು ಬಿಡದು; ಬೀಜ ಮಣ್ಣಾಗದೆ ಮೊಳಕೆ ಒಡೆಯದು. ಕಾಯಬೇಕು ಕಾಲ- ಕ್ರಿಯೆಗಳ ಕೂಟಕ್ಕೆ; ಸೃಷ್ಟಿ ನಿರ್ಮಿಸುವ ಸುಂದರ ಮಾಟಕ್ಕೆ. ಡಾ.‌ ಬಸವರಾಜ ಸಾದರ

ಸಂಬಂಧ ಉಳಿಸಿಕೊಳ್ಳುವ ಕಾಳಜಿಯಿರಲಿ... ಆಗಿ ಆಂಚಿ ಸಹನಾ ಸುಗಮ, ಸುಗಮ ಖಡುಗಕಿ ಧಾರ| ನೇಹ ನಿಭಾಹನ ಏಕ ರಸ, ಮಹಾ ಕಠಿನ ವೋ ಹಾರ|| ಸಂಬಂಧಗಳಲ್ಲಿ ‌ವ್ಯಾವಹಾರಿಕ ಸಂಬಂಧ, ಸ್ನೇಹ, ರಕ್ತ ಸಂಬಂಧ ಮುಂತಾದ ವಿವಿಧ ಪ್ರಕಾರಗಳನ್ನು ಕಾಣುತ್ತೇವೆ. ಇದರ ಜೊತೆಗೆ ಅವುಗಳನ್ನು ಪೋಷಿಸಲು ತಾಳ್ಮೆ, ಬದ್ಧತೆ ಅತ್ಯಂತ ಅವಶ್ಯ. ಮನೆ ಕಟ್ಟಿಸುವ, ವ್ಯವಹಾರ ನಡೆಸುವ ಚಟುವಟಿಕೆಗಳಲ್ಲಿ ಹಣ ಓಡಾಡುವದರಿಂದ ಅಲ್ಲಿ ಪರಸ್ಪರ ವಿಶ್ವಾಸ ಬಹಳ ಮುಖ್ಯ. ಆದರೂ ಒಂದು ವೇಳೆ ಈ ಕಾರ್ಯದಲ್ಲಿ ಯಾವುದೇ ತಪ್ಪುಗಳು ನಡೆದರೂ ಅವುಗಳನ್ನು ಹೇಗಾದರೂ ಸರಿಪಡಿಸಬಹುದು. ಆದರೆ ಇತರೆ ಕೆಲವು ಸಂಬಂಧಗಳು ಭಾವನಾತ್ಮಕ ತಳಹದಿಯ ಮೇಲೆ ನಿಂತಿರುವ

ರಂಧ್ರಾನ್ವೇಷಿಗಳಾದರೆ ಆಯುಷ್ಯ ವ್ಯರ್ಥ..! ಸಾಧು ಶಬ್ದ ಸಮುದ್ರ ಹೈ, ಜಾಮೆಂ ರತನ ಸಮಾಯ| ಮಂದ ಭಾಗ ಮುಠ್ಠಿ ಭರೈ, ಕಂಕರ ಹಾಥ ಲಗಾಯ || ವಿಚಾರಗಳು ವ್ಯಕ್ತಿ, ವ್ಯಕ್ತಿಗಳಲ್ಲಿ ಭಿನ್ನವಾಗಿರುತ್ತವೆ ಎಂಬುದು ಅನುಭವವೇದ್ಯವಾದ ಸಂಗತಿ. ಒಂದೇ ವಿಷಯದ ಕುರಿತಂತೆ ವೈಚಾರಿಕ ಮತಭೇದಗಳಿರುವದು ಸಹಜ. ಆದರೆ ಕೆಲವರು ಒಳ್ಳೆಯ ವಿಚಾರ ಮಾಡುತ್ತ ಸವಿಮಾತುಗಳನ್ನಾಡಿ -ದರೆ, ಇನ್ನು ಕೆಲವರ ದುಷ್ಟತನದ ಮಾತುಗಳು ಬೇಸರ ತರಿಸುತ್ತವೆ. ಹಂಸಕ್ಷೀರ ನ್ಯಾಯದಂತೆ ವಿವೇಚನಾ ದೃಷ್ಟಿಯಿಂದ ಇಂಥ ವಿಷಯಗಳನ್ನು ಸ್ವೀಕರಿಸುವ ಮನೋಭಾವ ನಮ್ಮಲ್ಲಿರಬೇಕಾದುದು ಅಗತ್ಯ. ಕೆಲವು ಸಲ ಸಜ್ಜನರ ಮಾತುಗಳು ಮೌಲ್ಯಯುತವಾಗಿದ್ದರೂ ಅವರು ಅ

ಸಾಧಕನಿಗೆ ಸಾವಿಲ್ಲ, ಸಾಧನೆಗೆ ಮಿತಿಯಿಲ್ಲ... ಭಕ್ತಿ ಗೇಂದ ಚೌಗಾನಕಿ, ಭಾವೈ ಕೋಯಿ ಲೇ ಜಾಯ| ಕಹೈ ಕಬೀರ ಕಛು ಭೇದನಾಹಿಂ, ಕಹಾಂ ರಂಕ ಕಹಾಂ ರಾಯ|| ಪ್ರಪಂಚದಲ್ಲಿ ವಿವಿಧ ಕ್ಷೇತ್ರಗಳಲ್ಲಿ ಸಾಧನೆ ಮಾಡುವ ಅವಕಾಶ ಎಲ್ಲರಿಗೂ ಇದೆ. ಇದಕ್ಕೆ ಯಾವುದೇ ನಿರ್ಬಂಧ ಇಲ್ಲ. ಸಾಧನೆಯ ದಾರಿ ದುರ್ಗಮವಾಗಿದ್ದರೂ ಛಲವಿದ್ದರೆ ಎಂಥ ಕೆಲಸವನ್ನಾದರೂ ಸಾಧಿಸಬಹುದು ಎಂಬುದು ಸುಳ್ಳಲ್ಲ. ದೈವಭಕ್ತಿ, ದೀನರಿಗೆ ಸಹಾಯ ಮಾಡುವದು, ತಂದೆ, ತಾಯಿಯರ ಸೇವೆ, ಗುರು ಸೇವೆ, ದೇಶ ಸೇವೆ, ಕರ್ತವ್ಯ ಪಾಲನೆ, ಜ್ಞಾನ ಸಾಧನೆ ಮುಂತಾದವುಗಳನ್ನು ಯಾರು ಬೇಕಾದರೂ ಮಾಡಬಹುದು. ಆದರೆ ಆ ಕುರಿತಾದ ಶೃದ್ಧೆ, ಇಚ್ಛಾಶಕ್ತಿಗಳು ಅತ್ಯಂತ ಅಗತ್

ಬೇಂದ್ರೆ ಕಾವ್ಯ - ಒಂದು ವಿಶಿಷ್ಟ ಕವನ *********** ***( ಗಂಗಾವತರಣದಿಂದ) ಏಲಾವನ ಲವಲೀಬನ ಲವಂಗ ಬನಗಳಲೀ ನಾಗಲತಾ ಸಂಕುಲ ಬನವಾಸಿಯ ಜನಗಳಲೀ ಲೀಲಾಂದೋಲಿತ ದೋಲಾ ಲಲನಾಮಣಿಗಳಲಿ/ಏಲಾ ಏಲಾಪದ ಲೀಲಾಪದ ಆಲಾಪದ ಸರಣೀ ಸಖಸಖಿಯರ ಮೇಳಾಪದೆ ತೆರೆದಿರೆ ಎದೆ ಭರಣಿ ಆಲಿಸುತಿವೆ ಮಾಲಿಸುತಿವೆ ಹರಿಣದ ಜತೆ ಹರಿಣಿ/ ಙಂ ಞಣನಮಾ, ಅಂ ಜ್ಞ ಓಂ ಜಂ ಸಂ ಶಂ ಎಂಬಾ ಅಂಬಾಗರೆವುದು ವಾಣಿಯ ವೀಣೆಯು ಬಾಯ್ತುಂಬಾ ಬಾ ಅಮ್ಮಾ ಅಮಾ ಬಾ ಬಾರೇ ಜಗದಂಬಾ/ ಉಸಿರುಸಿರಲಿ ಸರಿವರಿದೂ ಊದೂದುತ ನಲಿದು ದನಿಯೆ ನದಿಯೊಲಿ ಚಲಿಸಿತು ಕೊಂಕೊಂಕೆನೆ ಒಲೆದು ಅಲೆಯಾಯಿತು ಬಲೆಯಾಯಿತು ಜಗದಗಲಕೆ ಸೆಲೆದು/ ಕಿನ್ನರಿ ಕಿನ್ನರಿ ಮಿಥುನವು ಅರೆಅರ

ಎರಡೊಂದೆ ----------------- ಎರಡು ಕಣ್ಣುಗಳು ಕಾಣುವ ನೋಟ ಒಂದೆ; ಭಿನ್ನವಿದ್ದರೂ ಅನ್ಯ ಭಾವ ಇರದಿದ್ದರೆ ಚಂದ ಮನುಷ್ಯರಲ್ಲೂ, ಹಾಗೆಂದೆ. ಡಾ. ಬಸವರಾಜ ಸಾದರ.

ಒಂದೆ ಕಾಲ ------------- ಕಾಲವೆಂದರೆ ಒಂದೆ- ಈ ಕ್ಷಣದನುಭವದ ವರ್ತಮಾನ ಕಾಲ; ಭೂತ ಹಚ್ಚುತ್ತದೆ ಹಿಂದೆ ಹೋದುದರ ಹಳಹಳಿಗೆ; ಭವಿಷ್ಯ, ಬಾಯಿ ತೆರೆಸುತ್ತದೆ ನಾಳೆ ಬರ-ಬಹುದೆಂದು, ಒಳ್ಳೆಯ ಗಳಿಗೆ. ಡಾ. ಬಸವರಾಜ ಸಾದರ.

ಕೋತಿಜಿಗಿತ ----------------- ಮತ್ತೆ ಮತ್ತೆ ಬೇಲಿ ಹಾರುವ ಮಂಗಗಳಿಗೆಲ್ಲಿಯ ನೀತಿ-ನಿಯತ್ತು? ದಕ್ಕದಾದಾಗ ಒಂದು ತೋಟದ ಹಣ್ಣು; ಬೀಳುತ್ತದೆ ಪೊಗದಸ್ತಾದ ಮತ್ತೊಂದರತ್ತ ಅವುಗಳ ಕಣ್ಣು! ಡಾ. ಬಸವರಾಜ ಸಾದರ.

ಅತಿವೇಗ ------------ ಮಿತಿ ತಪ್ಪಿ, ವೇಗ ಹೆಚ್ಚಾಯ್ತು, ಅಂದ್ರೆ, ಹತ್ತಿರವೆ ಇದ್ದಂತೆ ಬಾಳ ತೊಂದ್ರೆ; ತಿಳಿದು ತಿದ್ದಿಕೊಳ್ಳದಿದ್ರೆ ಆದಷ್ಟು ಬೇಗ, ಕಟ್ಟಿಟ್ಟದ್ದು ಅನಾಹುತ ಯಾವಾಗ ಬೇಕೋ ಆಗ. -ಡಾ. ಬಸವರಾಜ ಸಾದರ.