ಹಠ ಛಲದಿಂದ ಬದುಕನ್ನೇ ಬರಡಾಗಿಸಿಕೊಂಡಳು ಅಂಬೆ! ನಿರ್ದಾಕ್ಷಿಣ್ಯವಾಗಿ ನಿರಾಕರಿಸಿದ ಸಾಲ್ವ ಸುಖವಾಗಿ ಬಾಳಿದ!! ಕ್ಷಣ ಕಾಲದ ಚಿತ್ತ ಇನಿಯನತ್ತ ಇತ್ತ ಶಕುಂತಲೆ ಪರಿತಪಿಸಿದಳು ನೊಂದು! ಮುದ್ರೆ ಉಂಗುರ ದೊರಕುವವರೆಗೂ, ಮನಕ್ಲೇಶವಿಲ್ಲದೆ ಮುದದಿಂದಿದ್ದ ದುಷ್ಯಂತ!! ಜಮದಗ್ನಿಯ ಕೋಪ ತಾಪಕೆ ಮಗನಿಂದಲೇ ಹತಳಾದ ರೇಣುಕೆ! ಬದುಕಿ ಬಂದರೂ ದಿಗ್ ಭ್ರಮೆ!! ಸಂಬಂಧಗಳ ಸಂಕೀರ್ಣತೆ ಹೃದಯ ಕಲಕಿತೆ??? ಪಂಚಪಾಂಡವರ ಹೇಡಿತನಕ್ಕೆ ಹೊಣೆಯಾಗಿ ನಿಂತಳು ಪಾಂಚಾಲಿ! ಮರಳಿದ ಸೀತೆಗೆ ಅಗ್ನಿಪರೀಕ್ಷೆಯ ಅನಿವಾರ್ಯತೆ!! ವಿವೇಕ -ವಿವೇಚನೆ ಮರೆತು ವಿನಾಶವನ್ನೇ ಆಹ್ವಾನಿಸಿದ ದುರುಳರು! ಧರ್ಮ ನಿಷ್ಠೆ ಸತ್ಯದ ಪಥದಲ್ಲಿ ಮತ್

ಉತ್ತರ ಕನ್ನಡದ ಹೆಮ್ಮೆಯ ಪುತ್ರ ದಿನಕರ ದೇಸಾಯಿಯವರು ********* ಚುಟುಕು ಎಂದ ತಕ್ಷಣ ನೆನಪಾಗುವದು‌ ದಿನಕರ ದೇಸಾಯಿ ಅವರ ಹೆಸರು. ಚುಟುಕು ಬ್ರಹ್ಮ ಎಂದೇ ಹೆಸರಾದ ಅವರ ಪ್ರತಿಭೆ ಸಾಮರ್ಥ್ಯ ಅದಕ್ಕಷ್ಟೇ ಸೀಮಿತವಾದದ್ದಲ್ಲ. ಸಮಾಜ ಸೇವಕ, ರಾಜಕಾರಣಿ, ಕವಿ, ಶಿಕ್ಷಣ ಪ್ರೇಮಿ, ಪತ್ರಕರ್ತ, ಹೋರಾಟಗಾರ ಏನೆಲ್ಲವೂ ಆಗಿದ್ದ ಅವರ ಅಗಾಧ ವ್ಯಕ್ತಿತ್ವವನ್ನು ನಾವು ಸ್ವಲ್ಪದರಲ್ಲಿ ಸೆರೆಹಿಡಿಯುವದು ಕಷ್ಟ. ದಿನಕರರಿಗೆ ಉತ್ತರ ಕನ್ನಡ ಜಿಲ್ಲೆಯ ಮೇಲೆ ಅಪಾರ ಪ್ರೇಮ, ಅಭಿಮಾನ. ಅದನ್ನು ಅವರು ತಮ್ಮ ಅನೇಕ ಚೌಪದಿಗಳ ಮೂಲಕವೂ ವ್ಯಕ್ತಪಡಿಸಿದ್ದಾರೆ. ಒಂದು ಬದಿ ಸಹ್ಯಾದ್ರಿ, ಒಂದು ಬದಿ ಕಡಲು ನಡುಮಧ್ಯದಲಿ ಅಡಕೆ

ಬೇಕು ಉತ್ತರ ಕನ್ನಡ ಜಿಲ್ಲೆಗೆ ಸುಸಜ್ಜಿತ ಆಸ್ಪತ್ರೆ !! 🏥 || ಒಂದು ಬದಿ ಸಹ್ಯಾದ್ರಿ, ಒಂದು ಬದಿ ಕಡಲು ನಡು ಮಧ್ಯದಲಿ ಅಡಿಕೆ ತೆಂಗುಗಳ ಮಡಿಲು ಸಿರಿಗನ್ನಡದ ಚಪ್ಪರವೇ ನಮ್ಮ ಜಿಲ್ಲೆ ಇಲ್ಲಿಯೇ ಹುಟ್ಟುವೆನು ಇನ್ನೊಮ್ಮೆ ನಲ್ಲೆ || ಉತ್ತರ ಕನ್ನಡದ ಹೆಮ್ಮೆಯ ಕವಿ, ಸಮಾಜ ಸೇವಕ, ಚುಟುಕುಬ್ರಹ್ಮ ಡಾ. ದಿನಕರ ದೇಸಾಯಿಯವರು, ಜಿಲ್ಲೆಯ ನಿಸರ್ಗ ಸೌಂದರ್ಯವನ್ನು ವರ್ಣಿಸುತ್ತ ಬರೆದ ಚುಟುಕು. ಖಂಡಿತ ನೈಸರ್ಗಿಕವಾಗಿ ಶ್ರೀಮಂತ ಜಿಲ್ಲೆ ಉತ್ತರ ಕನ್ನಡ. ಆದರೆ ಬದುಕಿಗೆ ಸಂಕಟ ಬಂದಾಗ... ಯಾವುದೇ ವ್ಯಕ್ತಿ ಕಾಯಿಲೆ ಬಿದ್ದು ತಕ್ಷಣ ಹೆಚ್ಚಿನ ಚಿಕಿತ್ಸೆ ಬೇಕಾದಾಗ.... ಅಲ್ಲಿಗೆ ಅರ್ಧ ಆಯಸ್ಸು ಕಳೆದ ಅನುಭವ

ವಯಸ್ಸಿನ ರೇಖೆಗಳು ಮುಖದ ಮೇಲೆ ಬಂದಾಗ ಚಿಂತೆಗಿಂತ ಹೆಚ್ಚು ಚಿಂತನೆಗಳನ್ನು ಮಾಡಬೇಕು ಅನುಭವದ ಮೂಸೆಯಲ್ಲಿ ಅರಿವಿನ ಅರ್ಥಗಳ ಅರೆಅರೆದು ಕುಡಿಯಬೇಕು ಕುಡಿಸಬೇಕು ತನ್ನ ಬದುಕಿನ ಅರ್ಥ ಅರಿಯಲಾರದವನು ಪರರ ಬದುಕಿಗೇನನ್ನೂ ನೀಡಲಾರ, ಬದುಕು ತನಗಾಗಿ ಮಾತ್ರವಲ್ಲ ಎಂದರಿತುಕೊಂಡವನು ಬೇರೆಯವರ ಬದುಕಿಗೂ ಒಂದಿಷ್ಟು ಚೈತನ್ಯ ನೀಡಬಲ್ಲ, ಜೀವನ ಅನಿಶ್ಚಿತವೆಂಬ ಸತ್ಯ ಗೊತ್ತಿದ್ದರೂ ಚಿರಂಜೀವಿಯೆಂಬ ಭ್ರಮೆಯಲ್ಲಿರುವವರು ನಾಳೆಗಳ ಹುಡುಕುತ್ತಿರುತ್ತಾರೆ ಕವಿವಾಣಿ ಹೇಳುತ್ತದೆ - " ನಿನ್ನೆ ನಿನ್ನೆಗೆ ಇಂದು ಇಂದಿಗೆ ಇರಲಿ ನಾಳೆಯು ನಾಳೆಗೇ.." ನಿನ್ನೆ ಕಳೆದುಹೋಗಿದೆ ನಾಳೆ ನಮ್ಮದಲ್ಲ ನಮಗಿರುವದು " ಇಂದು " ಮಾ

ಸುಮ್ಮನೆ ಹೂ ನಗುವುದಿಲ್ಲ ತಂಗಾಳಿ ಸೋಕಬೇಕು ; ನೇಸರನ ಸ್ಪರ್ಶ ಬೇಕು ಸುಮ್ಮನೆ ಚುಕ್ಕಿಗಳು ಮಿನುಗುವುದಿಲ್ಲ ಮುಗಿಲಿನ ಸ್ವಚ್ಛತೆ ಬೇಕು; ಸಂಜೆಗತ್ತಲು ಮುತ್ತಿರಬೇಕು ಸುಮ್ಮನೆ ಬಳ್ಳಿ ಹಸಿರೊಡೆಯುವುದಿಲ್ಲ ಪ್ರೀತಿಯ ಒರತೆ ಬೇಕು ; ಹಬ್ಬಿ ತಬ್ಬಲು ಆಸರೆ ಬೇಕು ಸುಮ್ಮನೆ ಮಾವು -ಮಲ್ಲಿಗೆ -ಕೋಗಿಲೆ ಜತೆಯಾಗುವುದಿಲ್ಲ ಚೈತ್ರ ಆಗಮಿಸಿರಬೇಕು ; ವಸಂತನ ಸಾಂಗತ್ಯ ಬೇಕು ಸುಮ್ಮನೆ ಸಾಹಿತ್ಯ ಹುಟ್ಟುವುದಿಲ್ಲ ಭಾವನೆಗಳು ಉಕ್ಕಬೇಕು ; ಮೌನದ ಧ್ಯಾನ ಬೇಕು ಸುಮ್ಮನೆ ಬದುಕಾಗುವುದಿಲ್ಲ ನೋವು - ನಲಿವಲಿ ಬೆಂದಿರಬೇಕು ; ತನು-ಮನ ಮಾಗಿ ಹಣ್ಣಾಗಿರಬೇಕು ಶಾಂತಲಾ ರಾಜಗೋಪಾಲ್ ಬೆಂಗಳೂರು

ಅದು ಎಪ್ಪತ್ತರ ದಶಕದ ಕೊನೆ. ಗೋಕರ್ಣದಲ್ಲಿ ನನ್ನದೊಂದು ಕನ್ನಡ ಗೀತ ರಾಮಾಯಣ ಹಾಡುಗಾರಿಕೆ ಕಾರ್ಯಕ್ರಮ ಕೊಡಬೇಕಾಯಿತು. ಯಾವುದೋ ದೇವಸ್ಥಾನದ ಜಗುಲಿ‌( ಪೌಳಿ) ಯಲ್ಲಿ ನಡೆದ ಈ ಕಾರ್ಯಕ್ರಮದಲ್ಲಿ ಗೌರೀಶ ಕಾಯ್ಕಿಣಿಯವರು, ಗೋಪಾಲಕೃಷ್ಣ ನಾಯಕರು , ಜಿ. ಎಸ್. ಹೆಗಡೆ ( ಸಪ್ತಕ) ಮೊದಲಾದವರೆಲ್ಲ ಶ್ರೋತೃಗಳು. ಒಂದೂವರೆ ಗಂಟೆ ನಾನು ಗೀತರಾಮಾಯಣವನ್ನು ಸಂಕ್ಷಿಪ್ತ ವಿವರಣೆಯೊಂದಿಗೆ ಹಾಡಿದೆ. ‌‌‌ ಮೂರು ನಾಲ್ಕು ದಿವಸಗಳಲ್ಲೇ ಅಂಕೋಲೆಯ , ದಿನಕರ ದೇಸಾಯಿಯವರ ಅಂದಿನ ಪ್ರಸಿದ್ಧ ವಾರಪತ್ರಿಕೆ "ಜನಸೇವಕ" ದಲ್ಲಿ ಸುಮಾರು ಒಂದೂವರೆ ಪುಟಗಳಷ್ಟು ನನ್ನ ಗೀತರಾಮಾಯಣದ ಕುರಿತಾಗಿಯೇ ಲೇಖನ ಬಂದಿತ್ತು

1. ಹೃದ್ಯ -ಗದ್ಯ -ಪದ್ಯ! ರಚನೆ -ನವ್ಯ - ಭವ್ಯ! ಅರ್ಥಪೂರ್ಣ ಶ್ರಾವ್ಯ! ಅನುರಣಿಸುವ ಕಾವ್ಯ!! 2. ಕನಸು - ಕಲ್ಪನೆ - ಅನುಭವ ವಾಸ್ತವಗಳ ಮಿಶ್ರಣ! ಸೊಗಸಿನ ಪದ ಜೋಡಣೆ ಬರವಣಿಗೆಯ ಹೂರಣ! ಸಮರಕೂ - ಶಾಂತಿಗೂ ಆಗಬಹುದು ಕಾರಣ!! 3. ಕವಿತ್ವದ ಭಾವಲಹರಿ! ಓದುಗನು ಅರ್ಥೈಸುವ ಪರಿ!! ಆಗಬಹುದು ಭಿನ್ನ - ವಿಭಿನ್ನ! ಮುದಗೊಳಿಸುವುದು ಮನವನ್ನ!! ಸಾವಿತ್ರಿ ಶಾಸ್ತ್ರಿ, ಶಿರಸಿ

ಹಠ ಛಲದಿಂದ ಬದುಕನ್ನೇ ಬರಡಾಗಿಸಿಕೊಂಡಳು ಅಂಬೆ! ನಿರ್ದಾಕ್ಷಿಣ್ಯವಾಗಿ ನಿರಾಕರಿಸಿದ ಸಾಲ್ವ ಸುಖವಾಗಿ ಬಾಳಿದ!! ಕ್ಷಣ ಕಾಲದ ಚಿತ್ತ ಇನಿಯನತ್ತ ಇತ್ತ ಶಕುಂತಲೆ ಪರಿತಪಿಸಿದಳು ನೊಂದು! ಮುದ್ರೆ ಉಂಗುರ ದೊರಕುವವರೆಗೂ, ಮನಕ್ಲೇಶವಿಲ್ಲದೆ ಮುದದಿಂದಿದ್ದ ದುಷ್ಯಂತ!! ಜಮದಗ್ನಿಯ ಕೋಪ ತಾಪಕೆ ಮಗನಿಂದಲೇ ಹತಳಾದ ರೇಣುಕೆ! ಬದುಕಿ ಬಂದರೂ ದಿಗ್ ಭ್ರಮೆ!! ಸಂಬಂಧಗಳ ಸಂಕೀರ್ಣತೆ ಹೃದಯ ಕಲಕಿತೆ??? ಪಂಚಪಾಂಡವರ ಹೇಡಿತನಕ್ಕೆ ಹೊಣೆಯಾಗಿ ನಿಂತಳು ಪಾಂಚಾಲಿ! ಮರಳಿದ ಸೀತೆಗೆ ಅಗ್ನಿಪರೀಕ್ಷೆಯ ಅನಿವಾರ್ಯತೆ!! ವಿವೇಕ -ವಿವೇಚನೆ ಮರೆತು ವಿನಾಶವನ್ನೇ ಆಹ್ವಾನಿಸಿದ ದುರುಳರು! ಧರ್ಮ ನಿಷ್ಠೆ ಸತ್ಯದ ಪಥದಲ್ಲಿ ಮತ್

ರಾಮನಾಮ‌ ಹೇಳದ ದೇಹ, ಎಲುಬಿನ ಹಂದರ..! ಕಬೀರ ಮುಖ ಸೋಯಿ ಭಲಾ, ಜಾಮುಖ ನಿಕಸೈ ರಾಮ| ಜಾ ಮುಖ ರಾಮನಾ ನಿಕಸೈ, ತಾ ಮುಖ ಹೈ ಕಿಸ ಕಾಮ || ಇತನೋೆ ಜೀವಜಂತುಗಳಿಗಿಂತ ಮನುಷ್ಯ ಶ್ರೇಷ್ಠನೆನಿಸಲು ಕಾರಣ ಅವನಲ್ಲಿರುವ ಬುದ್ಧಿಶಕ್ತಿ, ವಾಕ್ ಸಾಮರ್ಥ್ಯ, ವಿವೇಚನಾ ಗುಣ ಮುಂತಾದವುಗಳು.‌ಹಾಗಾಗಿ ದೇವರು ಕೊಟ್ಟ ಬಾಯಿಯಿಂದ ನಾಮಸ್ಮರಣೆ, ಒಳ್ಳೆಯ ಮಾತುಗಳು ಅಪೇಕ್ಷಣೀಯ. ಅದಕ್ಕಾಗಿ "ಹರಿನಾಮ ಹೇಳದ ನಾಲಿಗೆ ಇದ್ದರೇನು? ಬಿದ್ದು ಹೋದರೇನು?" ಎಂದು ಸಂತರು ಪ್ರಶ್ನಿಸಿದ್ದಾರೆ. ‌ಕೆಲವರ ಮಾತುಗಳಲ್ಲಿ ಮೃದುತ್ವ ಕಂಡರೆ, ಇನ್ನು ಕೆಲವರ ಮಾತಿನಲ್ಲಿ ಕಾಠಿಣ್ಯ ಕಾಣಬಹುದು. ಆದರೆ ಈ ಮಾತುಗಳ ಹಿಂದಿರುವ ಭಾವನೆ ಮತ್ತು ಉ

ಹೊಟ್ಟೆಪೂಜೆಯ ಮುಂದೆ ಮಿಕ್ಕ ಪೂಜೆಗಳಿಲ್ಲ..! ಕಬೀರ ಕ್ಷುಧಾ ಹೈ ಕುಕರಿ, ಕರತ ಭಜನ ಮೆ ಭಂಗ| ವಾಂಕೂ ದುಕುಡಾ ಡಾರಿಕೆ, ಸುಮಿರ ನ ಕರೂಂ ಸುರಂಗ|| ಭಾರತೀಯ ಸಂಸ್ಕೃತಿಯಲ್ಲಿ ಜಪ-ತಪಗಳ ಜೊತೆಯಲ್ಲಿ ಉಪವಾಸಕ್ಕೂ ಪ್ರಮುಖ ಸ್ಥಾನವಿದೆ. ಆದರೆ ಈ ರೀತಿಯ ಅನುಷ್ಠಾನ ಮಾಡುವದಕ್ಕೆ ಮನೋ ನಿಗ್ರಹ ಅತ್ಯಂತ ಅಗತ್ಯ. ಇಲ್ಲದಿದ್ದರೆ ಹಸಿವಿನಿಂದ ಬಳಲುವ ವ್ಯಕ್ತಿಗೆ ದೈಹಿಕ ತೊಂದರೆ ಆಗಬಹುದು, ಇಲ್ಲವೆ ಹೊಟ್ಟೆಯ ಧ್ಯಾನದಲ್ಲಿ ಬೇರೆ ಕೆಲಸದಲ್ಲಿ ಮನಸ್ಸು ಬಾರದು. ಜಠರಾಗ್ನಿಯನ್ನು ಶಾಂತಗೊಳಿಸಲು ಅನ್ನಾಹಾರಗಳು ಅವಶ್ಯ. ಅದನ್ನು ಶಮನಗೊಳಿಸದ ಹೊರತು ಪೂಜಾ ಕಾರ್ಯಗಳಿಗೆ ಭಂಗ ಬಂದೀತು. ಆದರೆ ಭಕ್ತಿಯಿದ್ದರೂ ಉಪವಾಸವನ್

ಪರಶು ಸ್ಪರ್ಶವಿಲ್ಲದೆ ಕಬ್ಬಿಣ ಬದಲಾಗದು..! ಗಾವೆ ಕಥೆ ವಿಚಾರೆ ನಾಹಿ, ಅನಜಾನೆ ಕಾ ದೋಹಾ| ಕಹಿಂ ಕಬೀರ ಪಾರಸ ಪರಸೆ ಬಿನಾ, ಜೋ ಪಾಹನ ಭೀತರ ಲೊಹಾ|| ದೇವರ ಪೂಜೆ, ಭಜನೆ, ಪ್ರಾರ್ಥನೆ, ನಾಮ ಸಂಕೀರ್ತನೆ ಮುಂತಾದ ಧಾರ್ಮಿಕ ಕಾರ್ಯಕ್ರಮಗಳು ನಮ್ಮಲ್ಲಿ ಸಕಾರಾತ್ಮಕ ಬದಲಾವಣೆಗಳನ್ನು ತರುವ ಉತ್ತಮ ಸಾಧನ -ಗಳಾಗಿವೆ. ಆದರೆ ಅನೇಕ ಸಲ ನಾವು ಮಾಡುವ ಧಾರ್ಮಿಕ ಅನುಷ್ಠಾನಗಳ ಅರ್ಥ ಮತ್ತು ಮಹತ್ವ ತಿಳಿಯದೇ ಕೇವಲ ಯಾಂತ್ರಿಕವಾಗಿ, ಕಾಟಾಚಾರಕ್ಕೆ ಅವುಗಳನ್ನು ಮಾಡಿದರೆ ಅಂಥ ಪೂಜೆ, ಪ್ರಾರ್ಥನೆಗಳಿಂದ ಏನು ಪ್ರಯೋಜನ!? ದೇವರ ಆರಾದನೆ ಮಾಡುವಾಗ ನಾವು ಏನನ್ನು ಮಾಡುತ್ತೇವೆ ಎಂಬ ಬಗ್ಗೆ ಸ್ಪಷ್ಟ ಕಲ್ಪನೆ ಭಕ್ತನಿಗ

ಹುಲಗಬಾಳಿಯವರ ಲಲಿತ ಸಾಹಿತ್ಯ ********** ಕನ್ನಡದ ಹಾಸ್ಯ, ಲಲಿತಪ್ರಬಂಧ ಪ್ರಕಾರಗಲಲ್ಲಿ ಪ್ರಮುಕವೆನಿಸುವ ಒಂದು ಹೆಸರು ಬನಹಟ್ಟಿಯ ಮಲ್ಲಿಕಾರ್ಜುನ ಹುಲಗಬಾಳಿಯವರದು. ಅವರು ಈ ಪ್ರಕಾರಕ್ಕೆ ನೀಡಿದಕೊಡುಗೆ ದೊಡ್ಡದು. ಅವರು ಪತ್ರಿಕಾ ವರದಿಗಾರರೂ ಆಗಿರುವದರಿಂದ ಅವರ ದೃಷ್ಟಿ ವಿಶಾಲವಾದದ್ದು ಮತ್ತು ಸೂಕ್ಷ್ಮವಾದದ್ದು. ಪತ್ರಿಕಾ ವೃತ್ತಿ ಲೇಖಕರಾದವರಲ್ಲಿ ಅಂತರ್ದೃಷ್ಟಿ ಬೆಳೆಸುತ್ತದೆ. ಇತರರಿಗಿಂತ ಅವರು ನೋಡುವ ಬಗೆ ಭಿನ್ನವೆನಿಸುತ್ತದೆ. ಈಗಾಗಲೇ ೨೫ ಕ್ಕೂ ಹೆಚ್ಚು ಕೃತಿ ರಚಿಸಿರುವ ಹುಲಗಬಾಳಿಯವರ ಟೊಂಯ್ ಟೊಂಯ್ ಮಾತು, ಉದರೋನಿಷತ್, ಚಷ್ಮಾ ಚರಿಷ್ಮಾ, ಜನರಲ್ ಬೋಗಿ, ಖುಷಿ, ಮೆಳ್ಳೆಗಣ್ಣು, ಬೆಲ್

ಹಯಸವಾರಿ ------------------ ನೀನೇ ಸಾಕಿದ್ದಾದರೂ, ಏರಬಹುದೆ ಲಗಾಮಿಲ್ಲದ ಕುದುರೆ? ಕಡಿವಾಣವಿಲ್ಲದೆ, ಕೆನೆದು, ನೆಗೆದು, ಕೆಡವಿ, ನಿಲ್ಲದೆ ನಿನ್ನ ಎದುರೆ? ಡಾ. ಬಸವರಾಜ ಸಾದರ

ಕಾಲಾವಮಾನ --------------------- ಕತ್ತಲೆಗೆ ಸರಿಸಲ್ಪಟ್ಟರು, ಉರಿವ ಬೆಂಕಿ ನಂದಿಸಿ, ಹಣತೆ ಹಚ್ಚಿ ಬೆಳಕ ಕೊಟ್ಟವರು; ಬೆಳಕಿಗೆ ಬಂದರು, ಬೆಳಕನ್ನೇ ಉರಿ ಮಾಡಿ, ಮೈ ಕಾಯಿಸಿಕೊಳ್ಳುತ್ತ ಜಗವ ಸುಟ್ಟವರು. ಡಾ. ಬಸವರಾಜ ಸಾದರ

ವಿಪರ್ಯಾಸ! ------------------ ಕೋಗಿಲೆಯ ಗೂಡಲ್ಲಿ ಕಾಗೆ ಮೊಟ್ಟೆ ಇಟ್ಟು, ಹುಟ್ಟಿದ ಮರಿ ಕಾಗೆ, ಒಳಗಿನ ಬಳಗವನ್ನೇ ಹೊರಗಟ್ಟಿತು! ಪಂಚಮದಲಿ ಒರಲುತ್ತ ಮನೆಗಾಗಿ ಹುಡುಕುವ ಕೋಗಿಲೆ, ಕಣ್ಣೀರಿಟ್ಟಿತು!! ಡಾ. ಬಸವರಾಜ ಸಾದರ.

ಪುರುಷಕಥೆ ---------------- ಸತ್ತ ಗಂಡನ ಬದುಕಿಸಿ ತಂದ ಸತಿಸಾವಿತ್ರಿಯರ ಕುರಿತು ಸಾಕಷ್ಟಿವೆ ಕಥೆ; ಸತ್ತ ಹೆಂಡತಿಯನ್ನು ಬದುಕಿಸಿ ತಂದ ಸತಿವ್ರತಾ ಪುರುಷ ಇಲ್ಲದಿರುವುದೆ ದೊಡ್ಡ ವ್ಯಥೆ. ಡಾ. ಬಸವರಾಜ ಸಾದರ

ಕೆರೆ-ಕೋಡಿ --------------- ಏನು ಕೇಳೋದು ಬರೀ ಹೂಳೇ ತುಂಬಿದ ಕೆರೆ-ಕಟ್ಟೆ, ಹೊಟ್ಟೆಗಳ ಗೋಳು! ನಾಲ್ಕೇ ಹನಿಗೂ ಕೋಡಿಬಿದ್ದು, ಹರಿದು ಹಳ್ಳ ಕೂಡುವ ದಿಕ್ಕೇಡಿ ಬಾಳು!! ಡಾ. ಬಸವರಾಜ ಸಾದರ

ಬೆವರ ಹಾಲು ------------------- ಹೊಟ್ಟೆಗೆ ತಿನ್ನಿಸದೆ ಹಿಂಡಲು ಹೊರಟರೆ ಹಾಲು, ಝಾಡಿಸಿ ಒದೆಯದೆ ಗೋವು? ಹೆಸರು ಹೇಳಿದರೆ ಸಾಕೆ? ಬಳಿದು ಸೆಗಣಿ, ತೊಳೆದು ಮೈ ಕಾಯ್ದು-ಕಟ್ಟಿ ಸಾಕಬೇಕು ಮೊದಲು ಆವು. ಡಾ. ಬಸವರಾಜ ಸಾದರ

ಮನ-ಮನೆ --------------- ಬೆಳಕು ಗಾಳಿ ತೂರಿ ಬರಲು ಕಿಟಕಿ ಬೇಕು ಮನೆಗೆ; ಬಾಗಿಲೊಂದು ಇರಲೆ ಬೇಕು, ಮನುಷ್ಯ ಹೊಗಲು, ಕೊನೆಗೆ. ಡಾ. ಬಸವರಾಜ ಸಾದರ

ಬದಲಾವಣೆ ---------------- ನೋಡದೇ ಇರಬೇಡಿ ಚಂದ್ರನನ್ನು ನಾಳೆ, ಇಂದು; ನೋಡದವರಿಗೆ ಶಾಪ ಹಾಕುತ್ತಾನಂತೆ ಗಣಪ, ಅವರ ಮನೆಗೆ ಬಂದು!! ಡಾ. ಬಸವರಾಜ ಸಾದರ

ವಿಕೃತ ಸಂಸ್ಕೃತಿ --------------------- ಕಳ್ಳರು, ಸುಳ್ಳರಿಗೆ ಇರಲುಂಟೆ ಎಲ್ಲಾದರೂ ಸಂಸ್ಖೃತಿ? ಅಂಥವರ ಮನಸು, ಮಾತು, ನಡತೆ ಎಲ್ಲವುಗಳಲ್ಲೂ ತುಂಬಿರುತ್ತದೆ, ವಿಕೃತಿ. ಡಾ. ಬಸವರಾಜ ಸಾದರ

ವರ್ಣನಾಶ ---------------- ತೊಟ್ಟಿದ್ದರೆ ತೊಟ್ಟ ಬಾಣ ಕರ್ಣ, ಬೇರೆಯೇ ಅಗಿರುತ್ತಿತ್ತು ಮಹಾಭಾರತದ ಬಣ್ಣ; ಮಂತ್ರ ತಂತ್ರಗಳೆಲ್ಲ ಸೋತು, ಸಿಂಹಾಸನ ಏರುತ್ತಿತ್ತು ಆಗಲೇ ಸೂತ ವರ್ಣ. ಡಾ. ಬಸವರಾಜ ಸಾದರ

ಪ್ರಕೃತಿಧರ್ಮ ----------------- ಹಾಕಬಹುದೇ, ಕಣ್ಣು, ಕಿವಿ, ಮೂಗು, ನಾಲಗೆ- ಗಳಿಗಿಲ್ಲದ ಲಗಾಮು ಚರ್ಮಕ್ಕೆ? ಒಳಗೊಳಗೇ ಕೊಬ್ಬಿ ಕೆನೆಯುವ ಕುದುರೆಯ ಕಟ್ಟಿ ಹಾಕಲು ಸಾಧ್ಯವಾದೀತೆ ಧರ್ಮಕ್ಕೆ? ಡಾ. ಬಸವರಾಜ ಸಾದರ

ಅಂದಾಜು! -------------- ಸಾಕ್ಷ್ಯವಾದರೆ ಆತ್ಮ- 'ಸತ್ಯವನ್ನೇ ಹೇಳುತ್ತೇನೆ, ನಾನು ಹೇಳುವುದೆಲ್ಲ ಸತ್ಯ'- ಎನ್ನುವ ಬಾಯಿಗಳಿಗೆ; ಲೆಕ್ಕ ಸಿಗಬಹುದೆ, ಅಗತ್ಯವಾಗಿ ಬೇಕಾಗುವ ಜಗದ ಜೇಲುಗಳಿಗೆ? ಡಾ. ಬಸವರಾಜ ಸಾದರ