top of page
![](https://static.wixstatic.com/media/20adf4_6e4766e959554531ad7c18a5167ee3b5.png/v1/fill/w_96,h_96,al_c,q_85,usm_0.66_1.00_0.01,blur_2,enc_auto/20adf4_6e4766e959554531ad7c18a5167ee3b5.png)
ಪಹರೆಗೆ ನಿದ್ದೆಯ ಹಂಗಿಲ್ಲ
ಹೂ ಗಿಡ ಬಳ್ಳಿ ನೆಲದ ಜಿಗುಟು ಶಿರವ ಸಪಾಟು ಸವರಿ ಹನಿಯಮೃತವುಣಿಸಿ ಕಾಯಬೇಕೆಂದರೆ ಸದ್ದಿಲ್ಲದೆ ನಿಯತತೆಯಲಿ ನಿಡಿದಾದ ಕಣ್ಗಾವಲಿದೆ ಪಹರೆಗೆ ಚಂಚಲತೆಯಿದೆ ರೆಪ್ಪೆಯಡಿಗೆ ಮೈಯೆಲ್ಲಾ ಕಣ್ಣೋ! ಕಣ್ಣೇ ಬಯಲ ಬೆದರು ಚಿತ್ರವೋ! ಈ ಪಹರೆಗೆ ನಿದ್ದೆಯ ಹಂಗಿಲ್ಲ ಸಾಕಾಗಲ್ಲ ಎರಡು ನಿರ್ಮೀಲಿತ ನೇತ್ರ ಹರಡಿದೆ ಜಗದಗಲ ಧನ ಕನಕ ಸಾಮ್ರಾಜ್ಯ ಕಾಯಬೇಕಿರುವುದು ಪೀಠವಾ? ಪೀಠಾರೋಹಿಯಾ? ನಿಕ್ಕಿಯಾಗಬೇಕಿದೆ ಇನ್ನಷ್ಟೆ ಈ ಪಹರೆಗೆ ಮಿತಿಗಳ ಹಂಗಿಲ್ಲ ಆಗಸಕ್ಕೆ ಕೊಡೆ ಹಿಡಿಯುವ ಜರೂರತ್ತುಗಳ ನಡುವೆ ಇದ್ದೂ ಇಲ್ಲವೆಂಬ ಅವಕಾಶದ ಕೊಲೆಯ ನಿತ್ಯ ನರ್ತನದಲ್ಲಿ ಬೇಕು ಬೇಡಗಳ ಕಂಠಮರ್ಧನದ ಚಣಗಳು ನಿಕಾಲೆಯಾಗದೆ ಅಂತರಪಿಶಾಚಿಯಾಗಿ ಅನುರಣಿಸುತಿದೆ ಅನುದಿನ ಪೇಟೆ ಸುತ್ತುತ್ತಿವೆ ಕೊಳ್ಳುವವರಿಲ್ಲದೆ ಕನಸುಗಳು ಕೊರಗಿ ಲಕ್ಷ ಲಕ್ಷ ಭಕ್ಷ್ಯಗಳಿರುವಲ್ಲಿ ಈ ಪಹರೆಗೆ ಭಕ್ಷೀಸಿನ ಹಂಗಿಲ್ಲ ನೆಲ ಮುಗಿಲಾಚೆ ಒಂದು ಪಯಣವಿದೆ ಪಯಣದುದ್ದಕ್ಕೂ ಪಹರೆ ಇದೆ - ಮಂಜುನಾಥ ನಾಯ್ಕ ಯಲ್ವಡಿಕವೂರ
![ಪಹರೆಗೆ ನಿದ್ದೆಯ ಹಂಗಿಲ್ಲ](https://static.wixstatic.com/media/84d600_1d365a90ac4e424d940573593128741a~mv2.jpg/v1/fill/w_680,h_385,al_c,q_80,usm_0.66_1.00_0.01,enc_auto/Image-empty-state.jpg)
bottom of page