ಅಂಗವೈಕಲ್ಯ ಮತ್ತು ಆತ್ಮಹತ್ಯೆ [ಕವಿತೆ]

ಪ್ರಸಿದ್ಧ ಸಿನಿಮಾತಾರೆ

ಸುಸೈಡ್ ಮಾಡಿಕೊಂಡ!

ಕೋಟ್ಯಾಧಿಪತಿಯ ಕುವರನೊಬ್ಬ

ಹ್ಯಾಂಗ್ ಮಾಡಿಕೊಂಡ!!

ಅಪ್ರತಿಮ ಕಲಾವಿದನೊಬ್ಬ

ತನ್ನನ್ನೇ ತಾ ಕೊಂದುಕೊಂಡ!!!

ಇವರಿಗೆಲ್ಲಾ ಏನಾಗಿತ್ತು ?

ಸಾವಿನ ಮನೆಯ ಕದ

ಅವರಾಗಿಯೇ ತಟ್ಟಿದ್ಯಾಕೆ?

ಲೌಕಿಕವಾಗಿ ಇವರ್ಯಾರಿಗೂ

ಯಾವ ಕೊರತೆಯೂ ಇರಲಿಲ್ಲ!?

ಹಣವಿದೆ, ಪೊಪ್ಯುಲಾರಿಟಿ ಇದೆ,

ಏನೆಲ್ಲವಿದೆ, ಆದರೆ.......?

ಏನಿರಬೇಕಿತ್ತೊ, ಅದೇ ಇರಲಿಲ್ಲ!

ಅವರ್ಯಾರೂ ಅಪ್ರಬುದ್ಧ ಎಳಸುಗಳೇನಲ್ಲ;

ಆದರೂ......ಹೀಗೇಕಾಯ್ತು?

ಬಾಳಿನ ಅಂತ್ಯವನ್ನು ತಾವೇ ಆಹ್ವಾನಿಸಿದ್ದೇಕೆ?

ಬದುಕೇಕೆ ಇಂಥವರಿಗೂ

ಇಷ್ಟು ಬೇಗ, ಸಾಕಾಗಿ ಹೋಯ್ತು?

ಹಣವೊಂದೇ ಎಲ್ಲ

ಎಂದು, ಅಂದುಕೊಳ್ಳುವವರಿಗೆಲ್ಲ

ಪಾಠವಾಗಬೇಕಿತ್ತೆ ಇವರು!

ಅಂಗವಿಕಲರೆಂದು ಕರೆಸಿಕೊಳ್ಳುವರ್ಯಾರೂ

ಏಕೆ ಆತ್ಮಹತ್ಯೆ ಮಾಡಿಕೊಂಡಿಲ್ಲ?

ಅವರೆಂದೂ ಅಂಗವಿಕಲರಲ್ಲ;

ಬಲಹೀನತೆಯ ವೈಕಲ್ಯ

ಮೀರಿನಿಂತವರಿವರು;

ಆತ್ಮವಿಶ್ವಾಸದ ಊರುಗೋಲ

ಬಳಸುವವರಿವರು

ಸತ್ತವರಿಗೆ ಮನೋವೈಕಲ್ಯ

ಎಲ್ಲವನ್ನೂ ಎದುರಿಸುವ

ಇವರದು ಮನೋಸ್ಥೈರ್ಯ

ಅದು ವೈಕಲ್ಯವಲ್ಲ

ಬಾಳನೆದುರಿಸಿ ಛಲದಿ ಪಡೆವಕೈವಲ್ಯ!

-ಹೊನ್ನಪ್ಪಯ್ಯ ಗುನಗಾ ಹೊನ್ನಾವರ