top of page

ಹರಿಯುವಂತೆ ಧೂಪ

ಹರಿಯುವಂತೆ ಧೂಪ

ಉರಿಯುವಂತೆ ದೀಪ

ಸರಿದುವೆಷ್ಟೊ ಹಿರಿಯ ಜೀವ

ನಿಲಿಸಿ ಮಧುರ ನೆನಪ


ಜನಿಸಿದಂದಿನಿಂದ ನದಿ

ಉಣಿಸಾದರು ಕಡಲಿಗೆ

ಕಡಿಯದೆ ಇದೆ ಅದರ ಧಾರೆ

ಕಡೆಯೆಲ್ಲಿದೆ ಬದುಕಿಗೆ?


ಅಳಿಸಿದೆ ನಿಜ ಕಾಲ

ಬೆಳೆಸಿದೆ ಬಾಳೆಲ್ಲವ,

ಆದರೇನು ತಡೆಯಬಹುದೆ

ಬಾಳಿನ ಚಿರಚಲನವ?


ಸಾಗುವವರೆ ಎಲ್ಲರು

ಸಾಗಿದಂತೆ ಹಿರಿಯರು,

ಮಾಗಿ ಬಂದರೇನು ಮತ್ತೆ

ಚಿಗುರು ನಕ್ಕೆ ನಗುವುದು.


ಡಾ ಎನ್ ಎಸ್ ಲಕ್ಷ್ಮೀನಾರಾಯಣ ಭಟ್ಟರು

0 views0 comments

Comments


bottom of page