ವ್ಯವಹಾರ ಜೋರು [ಕವನ]

ಏಳನೆತ್ತಿ ದಾಟಿಲ್ಲ

ಹೆಸರಾಂತ ಪುರೋಹಿತ

ಕೂಲಿ ಮಾಡಿ ಕುಡಿದು ಮತ್ತೇರುವವ

ಮಹಾ ಮಾಟಗಾರ

ಖಾಸಗಿ ಸಂಬಳ ಸಾಲದವ

ಇನ್ನೊಬ್ಬರ ಭವಿಷ್ಯ ಹೇಳುವವ

ಹೆಬ್ಬೆಟ್ಟು ಒತ್ತುವವ ಕುಂತಲ್ಲೆ

ಜಾತಕ ಜಾಲಾಡಿ ಬಿಡುವವ |


ಸ್ವಯಂ ಘೋಷಿತ ದೇವ ಮಾನವರನೇಕರು

ಕಂಬಿ ಹಿಂದೆ ದಿನ ಎಣಿಸುತಿಹರು

ಮಹಾ ಸತಿಗಳೆಲ್ಲಾ

ಮಾಸ್ತಿ ಕಲ್ಲುಗಳಾಗಿ

ಮಾಸ್ತಿ ಕಲ್ಲುಗಳೆಲ್ಲಾ

ಮಾಸ್ತಿ ಗುಡಿಗಳಾಗಿ

ಅಲ್ಲೊಬ್ಬ ಪೂಜಾರಿ

ಮುಂದೊಂದು ಕಾಣಿಕೆ ಡಬ್ಬ

ಪರ್ವಾಗಿಲ್ಲ ಎಲ್ಲೆಲ್ಲೂ ವ್ಯವಹಾರ ಜೋರು

ವರ್ಷ ಕಳೆವುದರೊಳಗೆ

ಮನೆ ಮುಂದೆ ಕಾರು |


ಸಾಕ್ಷರತೆಯಲ್ಲೇನೊ ಏರಿಕೆ

ಮೌಢ್ಯತೆಯಲ್ಲಿಲ್ಲ ಇಳಿಕೆ

ಹಲವರಿಗೆ ಸಖತ್ ಗಳಿಕೆ

ಬರವಿಲ್ಲ ಬೌದ್ಧಿಕ ದಾರಿದ್ರ್ಯಕೆ |


ಸುಧಾ ಭಂಡಾರಿ

ಹೊನ್ನಾವರ, ಉತ್ತರ ಕನ್ನಡ

೯೪೮೧೧೧೧೧೯

83 views0 comments