ವೃದ್ಧಾಶ್ರಮದ ಹಣತೆಗಳು

ಬೆಳಕು ನೀಡಿ

ಖಾಲಿಯಾದ ಹಣತೆಗಳು

ವೃದ್ಧಾಶ್ರಮ ಸೇರಿವೆ

ಅಂಚು ಕಿತ್ತು ಹೋದ

ಹಣತೆಯೊಳಗೆ

ಮಕ್ಕಳಿಗಾಗಿ ಗೇಯ್ದ

ಬೆವರಿನ ಪಸೆಯಿದೆ

ಸುಟ್ಟುಹೋದ ಬತ್ತಿಯೊಳಗೆ

ಕುಡಿಗಳಿಗೆ ಬೆಳಕು ನೀಡಿ

ದಹಿಸಿಕೊಂಡ ಕನಸುಗಳ

ಕನವರಿಕೆಯಿದೆ

ಆವಿಯಾದ ಎಣ್ಣೆಯೊಂದಿಗೆ

ಕರುಳಿನ ಸಂಬಂಧಗಳೂ

ಮರೆಯಾದ

ನೋವಿದೆ

ಈಗ ಯಾರದೋ ಬತ್ತಿ

ಯಾರೋ ಹಾಕಿದ ಎಣ್ಣೆಗೆ

ಉರಿವ

ಬೆಳಕಿನ ಕಣ್ಣೊಳಗೆ

ಕಾಂತಿಯಿಲ್ಲ

ವೃದ್ಧಾಶ್ರಮದ ಹಣತೆಗಳಿಗೆ

ದೀಪಾವಳಿಯಿಲ್ಲ.

- ಶ್ರೀಧರ್ ಶೇಟ್ ಶಿರಾಲಿ

Recent Posts

ಹೌದು, ಮಾತೇ ಆಡಬೇಡ ಅಂದರೆ ಅಂಬೋರಿಗೇನು ಅನ್ನುವುದು? ಅಂತಾ ದಿನವೊಂದಿತ್ತು-- --ಮೊದಲ ಮಾತಿಗೆ ಎಷ್ಟು ಕಾತರ ಇತ್ತಲ್ಲ!:- ಸುತ್ತಲೂ ಕಾದವರ ತೆರೆದ ಕಿವಿಗೆ!? ಒಂದು ಸಲ...

ಬೆಂಡಾದ ತರಾಜು, ತೂಗೀತೆ ಸಮೃದ್ಧಿ ತುಂಬಿದ ಭಾಜನ-ಭಾಂಡ? ಹುಳುಕು ತೂಗಿ ಕೊಳಕಾದ ತ್ರಾಸಿಗೆ ತಿಳಿದೀತು ಹೇಗೆ ಬೆಳಕಿನ ಬ್ರಹ್ಮಾಂಡ? ಡಾ. ಬಸವರಾಜ ಸಾದರ.

ಅಂಧಾಧಿಕಾರದ ಆಪ್ತ ಗೆಳೆಯ ಅಹಂಕಾರ, ತಲೆಗೇರಿದರೆ ಇರಲುಂಟೆ ಯಾರದಾದರೂ ದರಕಾರ; ಎಷ್ಟೊಂದಿವೆ ಪಾಠ ಇತಿಹಾಸದುದ್ದ? ಅರಿಯದವರಿಗೆ ಅವನತಿಯೇ ಗತಿ, ಬದುಕಿನುದ್ದ. ಡಾ....