top of page

ಬೇಲಿಯಾಚೆಗೆ

ಮನೆಯೆದುರು ಅಂಗಳ-

ದಲ್ಲಿ,ಸುತ್ತ ಬೇಲಿಹಾಕಿ,

ಹೂಗಿಡವೊಂದ ನೆಟ್ಟು,

ಗೊಬ್ಬರ ಹಾಕಿ,ನೀರೆರೆದು,

ಕಾಳಜಿಯಿಂದ,

ಪೋಷಿಸಿದಾಗ ಗಿಡ-

ಚಿಗುರಿ ಪಲ್ಲವಿಸುತ್ತದೆ.

ಹೂ,,,ಅರಳುವದೇ-

ಇಲ್ಲ.ಯಾವ ಕಾಲಕ್ಕೂ,,,.

ಗಮ-ಗಮಿಸುವದೇ ಇಲ್ಲ.

ಆದರೆ,,,ಕಾಡೆ ಅರಿಯದ,

ಎಲೆಯುದುರಿದ,

ಸಣಕಲು ಗಿಡವೊಂದು,

ಬೇಲಿಯಾಚೆಗೆ ಕಾಡಲ್ಲಿ,

ಹೂ,,,ಅರಳಿ,ಪರಿಮಳಿಸಿ,

ಮೋಹಕ ನಗು ಬೀರಿ,

'ಕಾಡು'ತ್ತಿದೆಯಲ್ಲ ನನ್ನ.,,!

ನನ್ನತ್ತ ನೋಡಿ,ಕೈಮಾಡಿ,

ಕರೆಯುತ್ತಿದೆಯಲ್ಲ,,ನನ್ನ,,,!

ನನ್ನೊಳಗಿನ ಎಷ್ಟೋ-

ಹುಟ್ಟುಗಳು,ಗುಟ್ಟುಗಳು

ಹುಟ್ಟಿದಾಗಲೆ ಸಾಯುತ್ತವೆ

ಬೇಲಿಯೊಳಗೆ.

ಎಷ್ಟೊ ಹುಟ್ಟುಗಳು

ಗುಟ್ಟಾಗಿಯೇ ಬದುಕುತ್ತವೆ

ಸತ್ತ ಮೇಲೂ,,,,

ಬೇಲಿಯಾಚೆಗೂ,,,!

--ಅಬ್ಳಿ,ಹೆಗಡೆ.**

Recent Posts

See All
ಮಾತನಾಡುವ ಕಷ್ಟ!

ಹೌದು, ಮಾತೇ ಆಡಬೇಡ ಅಂದರೆ ಅಂಬೋರಿಗೇನು ಅನ್ನುವುದು? ಅಂತಾ ದಿನವೊಂದಿತ್ತು-- --ಮೊದಲ ಮಾತಿಗೆ ಎಷ್ಟು ಕಾತರ ಇತ್ತಲ್ಲ!:- ಸುತ್ತಲೂ ಕಾದವರ ತೆರೆದ ಕಿವಿಗೆ!? ಒಂದು ಸಲ...

 
 
 
ಬೆಪ್ಪುತಕ್ಕಡಿ

ಬೆಂಡಾದ ತರಾಜು, ತೂಗೀತೆ ಸಮೃದ್ಧಿ ತುಂಬಿದ ಭಾಜನ-ಭಾಂಡ? ಹುಳುಕು ತೂಗಿ ಕೊಳಕಾದ ತ್ರಾಸಿಗೆ ತಿಳಿದೀತು ಹೇಗೆ ಬೆಳಕಿನ ಬ್ರಹ್ಮಾಂಡ? ಡಾ. ಬಸವರಾಜ ಸಾದರ.

 
 
 
ಅಹಮಧಿಕಾರ

ಅಂಧಾಧಿಕಾರದ ಆಪ್ತ ಗೆಳೆಯ ಅಹಂಕಾರ, ತಲೆಗೇರಿದರೆ ಇರಲುಂಟೆ ಯಾರದಾದರೂ ದರಕಾರ; ಎಷ್ಟೊಂದಿವೆ ಪಾಠ ಇತಿಹಾಸದುದ್ದ? ಅರಿಯದವರಿಗೆ ಅವನತಿಯೇ ಗತಿ, ಬದುಕಿನುದ್ದ. ಡಾ....

 
 
 

Comentarios


©Alochane.com 

bottom of page