top of page

   ಬಾರೊ ಶ್ರಾವಣ

ಬಂದೆಯಾ ಬಾರೊ ಶ್ರಾವಣ

ಹಸಿರೆ ಉಸಿರಾವನೆ

ಇಳೆಯೊಡಲ ಮಡಿಲಿಗೆ ಹಸಿರುಡಿಸಿದವನೆ

ಬಾ ಬಾರೊ ಶ್ರಾವಣ ಶೃಂಗಾರ ಸದನ

ಕುಣಿಯ ಬೇಡ ಮಣಿಯ ಬೇಡ

ಬಲೆಯ ನೇಯುತಿದೆ ಸಾವಿನ ಜೇಡ

ಸಡಗರದಿ ಬಂದ ಶ್ರಾವಣನೆ

ಬಿಡದೆ ಕಾಡುತಿಹನಿಲ್ಲಿ ಕೊರೊನಾ

ಹತ್ತು ತಲೆಗಳ ಹೊತ್ತು ಕುಣಿವ ರಾವಣ

ಕುಣಿದು ಕುಪ್ಪಳಿಸಿ ಅಟ್ಟಹಾಸ ಗೈವನು

ಮುರಿದು ಮುಕ್ಕುತ ಲಯಕರ್ತನಾಗಿಹನು

ಮನುಜರೆಲ್ಲ ಕಂಗಾಲಾಗಿ ದಿಕ್ಕೆಟ್ಟಿಹರು

ಬಾಂದೇವಿ ಕಣ್ಣೀರ ಮಳೆಗರೆಯುತಿಹಳು

ಜಗವೆಲ್ಲ ಸೂತಕದ ಮನೆಯಾಗಿ

ಆತಂಕ ಭಯವೆಲ್ಲ ಮನದಲ್ಲಿ ನೆಲೆಯಾಗಿ

ಎನಿತೊ ಮಂದಿ ಮೂಲೆ ಗುಂಪು ಶ್ರಾವಣ

ಮನೆಯೊಳಗೆ ಉಳಿದು ಬಿಡಿ ಬಾರದಿರಿ ಹೊರಗೆ

ಬಂದಿರಾದರೆ ಕಾಯ್ದುಕೊಳ್ಳಿ ಆರಡಿ ಅಂತರ

ಹೊರಗಡೆ ಹೊಂಚುಹಾಕುವ ಕೊರೊನಾ ಬೆಂತರ

ಸುದ್ದಿಗಳು ಕ್ಷಣ ಕ್ಷಣಕು ಬಸಿರಾಗಿ

ಭಯ ಭ್ರಾಂತರಾಗಿಸಿ ತಲ್ಲಣವ ಹಡೆಯುತಿವೆ

ಯಾರೇನ ಮಾಡುವರು ಯಾರಿಂದಲೇನಹುದು

ಕೊರೊನಾ ಒಡ್ಡಿದ ಮರಣತಂತ್ರವನೆಂತು ಮೀರಲಿ

ಇಂಥ ಕೇಡುಗಾಲದಿ ರೊಟ್ಟಿ ಸುಟ್ಟುಕೊಳ್ಳುವ

ಪುಡಿ ಪುಢಾರಿಗಳು!

ಸುಳ್ಳು ಲೆಕ್ಕವ ಬರೆದು ಕಳ್ಳರಾಗಿಹ ಖದೀಮರು

ಮಿತಿ ಮೀರಿ ಕಾಲನರ್ಭಟ ಸಾವಿರದ ಸಾವು

ಬದುಕಿ ಬಾಳಲಿ  ಜಗದ ಜನರ ಹರಣವು

ಬಾ ಬಾರೊ ಶ್ರಾವಣ ದೂರ ಮಾಡೊ ಕೊರೊನಾ


- ಶ್ರೀಪಾದ ಶೆಟ್ಟಿ. 

112 views2 comments

2 Comments


ಅಸ್ಖಲಿತ ವರುಷದಾರೆ ಯ್ನತೆ ಬೊ್ಗರಸಿರುವ ಆಲೊಚನೆಗಳು ಅ್ಪತ ವೆನಿಸುತ್ ಬೆರಗು ಹುಟಿಸು ತದೆ ತು್ಮಬ ಪ್ಪ್ಪಸುತ ವಾದ ಕವಿತೆ

ಜಸ್ಟ ಕನ್ಡಡ ದ ಮೊದಲ ಪ್ರಯ್ತನ


Like

shivaleelahunasgi
shivaleelahunasgi
Jul 24, 2020

ಶ್ರಾವಣ ದ ಸಡಗರದ ಜೊತೆ ಕೊರೋನಾ ದ ನೋವಿನಲ್ಲೂ ಸಂಭ್ರಮ ಕವಿಯ ಕವಿತೆ ಸೂಪರ್ ಸರ್....

Like
bottom of page