top of page

ಬಾಡಿಗೆಗಿಡಬೇಡಿ




                   ಈ ಹಿಂದೆ ನನ್ಸುತ್ಲೂ ಯಾರ್ಯಾರೋ-ಕಣ್ರಿ


                   ಹೋದರೆಲ್ಲಾ ತಂತಾನೆ-ನಾನೀಗ ಒಬ್ಬಂಟಿ


                   ಇವ್ನೊಬ್ಬನ್ನ ಬಿಟ್ಟು-ಅದೀ-ವಾಮನನೇ ಕಣ್ರಿ!



                   ಈ ಇವ್ನು ಅಗ್ರಜನೆ?  ಸಹಪಾಠಿ?  ಗೆಳೆಯ?


                   ಬಲಿಯ ತುಳಿದನಲ್ಲಾ?-ಆ ತರಹದ ಛಾಯ!


                   YNK-pun!-'ಒಂದು ಜರ್ನಿಯ ಹರ್ನಿಯ':


                   -ಈ ಮಹನೀಯನೊಂದು-'ಮಹಾಗಾಯ'


                   ಹಾಗೂ ನಾ ಬೇಡದೆ ಬಂದ ದೌರ್ಭಾಗ್ಯವು


                   ನಾ ಶ್ರೇಷ್ಠನೇನಲ್ಲ/ಅಲ್ಲ ಕನಿಷ್ಠ-ತ್ಯಾಜ್ಯನೂ!



                   ನನ್ನ alter-ego-ಇವ್ನಿಗೇ ಪರ್ಯಾಯವು


                   ಸದಾ ನನ್ಬೆನ್ನ ಹಿಂದೆ-ಅನುಕೂಲಕ್ಕೆಲ್ಲ ಇವನು


                   ನನ್ತಕಾರಾರೆಲ್ಲಾ ಗೊತ್ತಿತ್ತು-ಶುದ್ಧ-ಕಂಠಪಾಠ


                   ಮಟಮಟ ಮಧ್ಯಾಹ್ನವೇ ನನ್ನನೇ ಮಾರಾಟ!!


                   ಕನಸ-ಕನ್ನಡೀಲೂ ಈ-ಇವನದೇ ಪ್ರತಿಫಲನ


                   ಗೋಳೆನಗೆ-ಗೋರಿಯ ಮೇಲವನ ಗಾಯನ



                   ನನ್ನೊಳಗಿನ ಇನ್ನೊಬ್ಬನೆ ಇವ-ನನಗೇ ಶತ್ರುವು!


                   ನಾ-ಕಡಿಮೆ-ಹೆಚ್ಚವ್ನು/ವಾಮನಂದೇ ಕರಾಮತ್ತು!


                   ಅವನ ಮಿಕ-ನನಗೆಂದೆಂದೂ ಮುಜುಗರವು


                   ಅಡ್ಡಬಿದ್ರೂ ನೋವು/ಇವ್ನಿಗೇ ನಾ ಬಲಿ-ಯು!


                   ನಾ ಮಾಡಿದ್ದಿಷ್ಟೆ-ಒಂದ್ಕಟ್ಟು ಪೂರ್ತಾ ಬರೆದೆ-


                   ಅವ್ನ ಹೆಸ್ರ/ಗಂಟೆಸೆದೆ ಗಟಾರಕ್ಕೆ! ಸಮಾಧಾನಕ್ಕೆ!



                   ಈ ದೇಹ ನಿಮ್ಮದಲ್ಲ-Sirs!-ಬಾಡಿಗೆಗಿಡಬೇಡಿ


                   ನಿಮ್ಹಿಂದೇ ಇದ್ದಾನೆ ನಿಮ್ಮ ವಾಮನ/ನೀವೇ ಬಲಿ


                   ವಾಮನನಂತೋರಿಗಂತೂ ಬಾಡಿಗೆಗೆ ಕೊಡಬೇಡಿ


                                                -ಶ್ರೇಯಸ್ ಪರಿಪರಿಚರಣ್

14 views1 comment

1 Comment


......ಹೃತ್ಪೂರ್ವಕ ಧನ್ಯವಾದಗಳು... Sir...🙏🏻🙏🏻🙏🏻🙏🏻🙏🏻

Like
bottom of page