top of page

ತೂರಿ ಕೊಂಡವರು

ಹರ ಸಾಹಸ ಮಾಡಿ ಇವರು

ಮೊದಲು ಮೀಸೆ ತೂರಿಸಿದರು

ಕ್ರಮೇಣ ದೇಹ ಕಿರಿದಾಗಿಸಿ

ಒಳಗೆ ತೂರಿಕೊಂಡರು

ಹೊರಗಿನ ಸದ್ದು ಸುದ್ದಿ

ಎಲ್ಲವನು ಮರೆತ ಅಂಗುಲ ಹುಳು

ಅಂಗುಲ ಅಂಗುಲ ತೂರುತ್ತಾ

ಈಗ ಹೆಮ್ಮಗಲವಾಗಿದ್ದಾರೆ

ಮೀನಿಗೆ ಬಾಲ ಹಾವಿಗೆ ತಲೆ

ಕಾಲಕ್ಕೆ ತಕ್ಕಂತೆ ಬದುಕುವ ಕಲೆ

ಅಂಗುಲವೆ ತಿಮಿಂಗಲವಾಗಿ

ಎಲ್ಲವನು ನುಂಗಿದರೂ ಕಾಣದಂತೆ

ಇದ್ದವರು ಕಾಣೆಯಾಗಿದ್ದಾರೆ ಸ್ತುತಿ

ಪಾಠ ಭಜನೆ ಭೋ ಪರಾಕುಗಳಲ್ಲಿ


ಹಸಿರು ಕಾಡಿನಲ್ಲಿ ರಕ್ತದ ಸುದ್ದಿ

ಗನ್ನುಗಳ ಸನ್ನೆಗೆ ಗುಂಡಿನ ಸ್ಪೋಟ

ಮಲಗಿದವರೆಂದರು ಎಲ್ಲಿಯ ಸಿಡಿಮುದ್ದು

ಜೀವವನೆ ತುಂಡರಿಸಿದ ಗುಂಡು ತಾಗಿ

ಮಲಗಿದವರು ಮತ್ತೆ ಏಳಲೆ ಇಲ್ಲ

ಪತ್ರಿಕೆಯ ತುಂಬ ಗುಂಡಿನ ಕಾಳಗ

ಸದ್ದು ಸುದ್ದಿ ಹುರಿಗಡಲೆ ತಿಂದ ಹಾಗೆ

ಸುದ್ದಿಯನ್ನು ತಿಂದವರು ಬೆಳಗಿನ

ಬಿಸಿ ಕಾಫಿ ಗುಟುಕರಿಸಿ ಆಧುನಿಕ

ಶಸ್ತ್ರಾಸ್ತ್ರ ಪೂರೈಸುತ್ತೇವೆ ಎಂದು

ಸಾವಿನ ಚೀಟಿಯನು ಪತ್ರಿಕಾ ಪ್ರಕಟಣೆಗೆ

ಕಳಿಸಿ ಅಮಾಯಕರ ಹೆಣದ ಬೆಂಕಿಯಲ್ಲಿ

ಸಿಗರೇಟು ಹಚ್ಚಿಕೊಳ್ಳುವ ಹುನ್ನಾರ.

ಶ್ರೀಪಾದ ಶೆಟ್ಟಿ.

9 views1 comment

1 Comment


bottom of page