ಜೀವ--ಭಾವ

ಕಾಣದಡವಿಯಲೆಲ್ಲೊ

ಹೂಅರಳೆ,ಪರಿಮಳಕೆ

ದುಗುಡತುಂಬಿದ ಮನವು

ತುಡಿವುದೇಕೊ.?

. ದೂರದೆತ್ತರ ಮರದಿ,

ಪುಟ್ಟಹಕ್ಕಿಯು ಉಲಿಯೆ

ನೋವುತುಂಬಿದ ಮನವು

. ನಲಿವುದೇಕೊ..?

ಮಳೆಯೊಳಗೆ ಬಿಸಿಲಿಳಿಯೆ,

ಮೂಡೆ ಕಾಮನ ಬಿಲ್ಲು,

ಸಪ್ತವರ್ಣದ ಬಣ್ಣ

"ಬದುಕ"ಲೇಕೊ,,?

ನೇಸರಿಲ್ಲದ ರಾತ್ರಿ,

ಇರುಳು ಕತ್ತಲೆ ಧಾತ್ರಿ,

ಬೆಳಕು ತುಂಬಿದ ಮನದಿ

ಕತ್ತಲೇಕೊ,,,?

. ಎಲ್ಲೊ, ಯಾರದೋ ಮಗುವು

ಹಸಿವಿನಿಂದಳುವಾಗ,

ಹೊಟ್ಟೆ ತುಂಬಿದ ತಾಯ

ಅಳುವದೇಕೊ,,,?

ತಾಯಿ, ಹಸು ದೂರದಲಿ-

ಕರುವು "ಅಂಬಾ"ಎನಲು

ಕರುಳ ಕುಡಿಯಾ ಸೆಳೆತ,

"ನನ್ನ"ಲೇಕೊ,,,?

ಹುಣ್ಣಿಮೆಯ ಚಂದ್ರಮನು

ತಂಪು,ಕಾಂತಿಯ ಚೆಲ್ಲೆ

ಉರಿವ ಮನವಾರಿಸುವ

. ತಂಪು ಏಕೊ..?

ಅರಿವಿರದ ಯಾರದೋ

"ಸಾವ"ಸುದ್ದಿಯ ಕೇಳೆ

ತಳ,ಮಳವು ಒಡಲೊಳಗೆ

ದುಃಖವೇಕೊ,,,?

ಕಡಲ ಒಡಲಿನ ತೆರೆಯ

ಹೊಯ್ದಾಟ,ಭೋರ್ಗರೆತ

ಸ್ತಭ್ಧ ಮನವನು ಕಲಕಿ

ಮೊರೆವುದೇಕೊ,,,?

ನಿತ್ಯ ಜಗದೊಡಲಿನಲಿ

. ನಡೆವ ಸ್ತಿತ್ಯಂತರಕೆ,

ಕವಿಮನದಿ ಹೊಸ ಕನಸು

ಮೊಳೆವುದೇಕೊ,,,?

ಕಣ್ಣು ಕಾಣದ ದ್ರಶ್ಯ,

ಕಿವಿಯು ಕೇಳದ ಶಬ್ದ

ಅರ್ಥವಿಲ್ಲದ ವ್ಯಾಖ್ಯೆ,

ಯಾಕೆ ಬೇಕು,,?

ಪ್ರಶ್ನೆಗುತ್ತರ ಇಲ್ಲ,

ತರ್ಕ ಸಾಧ್ಯವೆ ಇಲ್ಲ,

ಜೀವ-ಭಾವದ ನಂಟು

ಅಷ್ಟುಸಾಕು.,,,,,!


---ಅಬ್ಳಿ,ಹೆಗಡೆ

3 views0 comments