ಒಡೆದ ಮಡಕೆ

ಹಲವು ಬಾರಿ ಕುಟ್ಟಿ

ಖಂಡಿತ ಗಟ್ಟಿ

ಎಂಬ ಖಾತ್ರಿಯಲಿ ಕೂಂಡದ್ದು

ಈ ಅನ್ನದ ಮಡಕೆ!

ಆದರೀಗಿದು ಒಡೆದ ಮಡಕೆ...

ಯಾರು ಯಾವಾಗ ಹೊಡೆದದ್ದು

ಮತ್ತು ಯಾವ ಕಾರಣಕ್ಕೆ

ಮಡಕೆ ಎದೆಯನ್ನೇ ಗುರಿಯಿಟ್ಟು!

ಅಥವಾ ತಾಳಲಾರದ ತಾಪದ

ಬಿರುಕೋ...

ಅಂತೂ ಈಗ

ಒಡೆದ ಮಡಕೆ...

ಇನ್ನೂ ಸಂಪೂರ್ಣ ಆಗಿಲ್ಲ

ಮಡಕೆಯ ಒಡಕು

ಆದರೆ ಒಂದೇ ಒಂದು ಹನಿ ನೀರೂ

ನಿಲ್ಲದ ಒಡಕು...

ಏನ ತುಂಬುವಿರಿ

ಹೇಗೆ ತುಂಬಿಸುವಿರಿ

ಒಡೆದು ಹೋದ ಈ ಮಡಕೆಗೆ

ನಿಂತೀತೆ ಏನಾದರೂ ಒಳಗೆ!

ತಡವಿಲ್ಲದೆ ಜಾರಿಹೋಗದೆ ಹೊರಗೆ-

ಯಾವ ಗಳಿಗೆಯಲ್ಲೂ...

ಬಿಟ್ಟುಬಿಡಿ ಉಸಾಬರಿ

ಮತ್ತು ಮೆತ್ತುವುದ ಮಡಕೆ ಒಡಕಿಗೆ-

ಒಡೆದು ಹೋಗಲಿ ಪೂರ್ಣ ತಂತಾನೇ

ಚೂರು ಚೂರಾಗಿ

ಉದುರಿ ಹೋಗಲಿ

ಎಲ್ಲ ಚೂರು ಗುಡಿಸುವ ಹಾಗೆ...

ನಂತರ ಆಗಬಹುದು

ಒಟ್ಟುಗೂಡಿಸಿ ವಿನಿಯೋಗ -

ಅಂಥದೇ ಮಣ್ಣೊಳಗೋ

ಇನ್ನೆಲ್ಲೋ...

ಮತ್ತೆ ಬೇಕಾದರೆ ಮಡಕೆ

ಇದ್ದೇ ಇರುವನಲ್ಲ ನಮ್ಮ

ಕುಂಬಾರ...

ಡಾ. ಅರಕಲಗೂಡು ನೀಲಕಂಠ ಮೂರ್ತಿ.

ಮಾತನಾಡುವ ಕಷ್ಟ!

ಹೌದು, ಮಾತೇ ಆಡಬೇಡ ಅಂದರೆ ಅಂಬೋರಿಗೇನು ಅನ್ನುವುದು? ಅಂತಾ ದಿನವೊಂದಿತ್ತು-- --ಮೊದಲ ಮಾತಿಗೆ ಎಷ್ಟು ಕಾತರ ಇತ್ತಲ್ಲ!:- ಸುತ್ತಲೂ ಕಾದವರ ತೆರೆದ ಕಿವಿಗೆ!? ಒಂದು ಸಲ...

ಬೆಂಡಾದ ತರಾಜು, ತೂಗೀತೆ ಸಮೃದ್ಧಿ ತುಂಬಿದ ಭಾಜನ-ಭಾಂಡ? ಹುಳುಕು ತೂಗಿ ಕೊಳಕಾದ ತ್ರಾಸಿಗೆ ತಿಳಿದೀತು ಹೇಗೆ ಬೆಳಕಿನ ಬ್ರಹ್ಮಾಂಡ? ಡಾ. ಬಸವರಾಜ ಸಾದರ.

ಅಂಧಾಧಿಕಾರದ ಆಪ್ತ ಗೆಳೆಯ ಅಹಂಕಾರ, ತಲೆಗೇರಿದರೆ ಇರಲುಂಟೆ ಯಾರದಾದರೂ ದರಕಾರ; ಎಷ್ಟೊಂದಿವೆ ಪಾಠ ಇತಿಹಾಸದುದ್ದ? ಅರಿಯದವರಿಗೆ ಅವನತಿಯೇ ಗತಿ, ಬದುಕಿನುದ್ದ. ಡಾ....

ಆಲೋಚನೆ