ಅಲೆಯ ಚರಿತೆ

ದಂಡೆ ಮುಟ್ಟಲೆಂದೇ

ತೆರೆಗಳ ಓಟ ನಡೆದೇ ಇದೆ:

ಪಕ್ಕದ

ಕಿರು ಅಲೆಗಳ ಮೆಟ್ಟದೇ ಮುಟ್ಟಿ ಕೂಡುತ್ತ

ಬೃಹದಲೆಯಾಗಿ ಅವತಾರ ತಾಳಿ

ಕಾಲದ ಮೇರೆಗಳ ಮೀಟಿ ದಾಟಿ.

‌‌‌‌

***


ಮೊದಲ ಅಲೆಯ ಮೊದಲ ಓಟದ ಆರಂಭಕೆ

ಎಷ್ಟು ವರ್ಷಗಳ ಇತಿಹಾಸ!?

ಬರೆದ ದಾಖಲೆಯೆಲ್ಲ ತಿಂದ ಒರಲೆಯ ಚರಿತೆ,

ಮತ್ತಾವ ಒರಲೆಗೆ ಊಟವಾಯ್ತೋ!?


***


ಆದರೂ

ಅಲೆಯ ಸಂತಾನ ಆಂತ್ಯವಾಗದು ಎಂದೂ

ಅಲೆ

ಹಿರಿ ಅಲೆ

ಕಿರು ಅಲೆ

ಅಲೆ ಅಲೆ ಅಲೆಯ ಪೀಳಿಗೆ

ಚಿರಾಯು ಕುಲ ಬೆಳೆದು

ತೂಗುವ

ಕಡಲ ಅಮ್ಮನ ಮಡಿಲು

ಇರುವವರೆಗೆ!


ಗಣಪತಿ ಗೌಡ,ಹೊನ್ನಳ್ಳಿ

2 views0 comments