ವಕ್ರಪ್ರಭಾವ ಸಿಕ್ಕುವುದೇ ಇಲ್ಲ ಬದುಕಿಗೆ ಎಷ್ಟು ಶ್ರಮಿಸಿದರೂ ಸರಳ ರೇಖೆಯ ಸುಲಭ ದಾರಿ; ವಕ್ಕರಿಸಿ ದಿಕ್ಕೆಡಿಸುತ್ತದೆ ವಕ್ರರೇಖೆ, ಸದಾ ತನ್ನ ಕಪ್ಪು ಕಾರಿ. ಡಾ. ಬಸವರಾಜ ಸಾದರ.

ಗಜಲಮಲ್ ಬರೆಸಿಕೊಂಡಿವೆ, ಲಕ್ಷ ಲಕ್ಷ ಗಜಲ್-ಗಳು ಅ-ಲಕ್ಷ ಮಾಡಿದ ಇನಿಯಳ/ನ ಕುರಿತು; ಹುಗಿದು ಹೋಗಿವೆ ಬಹಳಷ್ಟು ನೆನಪು, ಬದುಕನ್ನೇ ಬಸಿದು ಕೊಟ್ಟ ತಾಯಿ-ತಂದೆಯ ತ್ಯಾಗವ ಮರೆತು. ಡಾ. ಬಸವರಾಜ ಸಾದರ

ಜಾತಿ ಬೆಂಕಿ ಯಾವ ಉರಿಯೂ ಭೀಕರವಿಲ್ಲ ಈಗ ಜಾತಿ ಬೆಂಕಿಯ ಜ್ವಾಲೆಯಂತೆ; ಹೊಗೆಯಾಡಿದರೂ ಸಾಕು, ಸುಟ್ಟು ಬೂದಿ ಮಾಡುತ್ತದೆ ಎಲ್ಲವನ್ನೂ ಅಣು- ಬಾಂಬಿನಂತೆ ಡಾ. ಬಸವರಾಜ ಸಾದರ

ವಕ್ರಪ್ರಭಾವ ಸಿಕ್ಕುವುದೇ ಇಲ್ಲ ಬದುಕಿಗೆ ಎಷ್ಟು ಶ್ರಮಿಸಿದರೂ ಸರಳ ರೇಖೆಯ ಸುಲಭ ದಾರಿ; ವಕ್ಕರಿಸಿ ದಿಕ್ಕೆಡಿಸುತ್ತದೆ ವಕ್ರರೇಖೆ, ಸದಾ ತನ್ನ ಕಪ್ಪು ಕಾರಿ. ಡಾ. ಬಸವರಾಜ ಸಾದರ.

ಕತ್ತಲೆ-ಬೆಳಕು ಅರಿಯದೆ ಕಾರ್ಗತ್ತಲ ಅಂತರಂಗವ ಒಂದು ಕ್ಷಣ, ತಿಳಿದೀತು ಹೇಗೆ ಬೆಳಕಿನ ಗುಣ? ಅಳಿಯಲಾದರೂ ತಮಂಧದ ಘನ, ಬೇಕೇ ಬೇಕು ಜ್ಯೋತಿಯ ಮನ. ಡಾ. ಬಸವರಾಜ ಸಾದರ

ಬಂಡಾಯ-ಡಂಬಾಯ ಮೊಳೆಯಬೇಕು ಬಂಡಾಯದ ಬೀಜ ಮೊದಲು ಮನಸು ಮನಸ್ಸುಗಳಲ್ಲಿ, ಚಿಗಿತು ಮರವಾಗಿ ನೆರಳು ಫಲ ಕೊಡಬೇಕು ಸಮಾಜದಲ್ಲಿ; ಅದಾಗದಿದ್ದರೆ ಅಂತ್ಯವಾಗುವುದು ಬಂಡಾಯ, ಡಂಬಾಯದಲ್ಲಿ. ಡಾ. ಬಸವರಾಜ ಸಾದರ

ಅನ್ನದ ತೆನೆ ಮುತ್ತು ಹೊತ್ತ ಭತ್ತ ಜೋಳ ಗೋದಿಯ ತೆನೆ; ಬೆಳೆದು ಅನ್ನ ಕೊಡುವ ಭೂಮಿಯ ಹೃದಯದಿಂದ ನೆನೆ. ಡಾ. ಬಸವರಾಜ ಸಾದರ

ಸೂರ್ಯಜವಾಬ್ದಾರಿ ಹೊತ್ತು ಬರುತ್ತಾನೆ ಸೂರ್ಯ ಜಗ-ಜೀವಿಗಳಿಗೆ ಬೆಳಕು-ಬಿಸಿ ಕೊಡುವ ಜವಾಬ್ದಾರಿ; ಹೊತ್ತು ಬಂದಂತೆ ಕೊಡೆ ಹಿಡಿವ ಸ್ವಾರ್ಥಿಗಳಿಗಾತ ನಿತ್ಯ ಜೀವಂತ ಮಾದರಿ. ಡಾ. ಬಸವರಾಜ ಸಾದರ

ನೆಲ-ಕುಲ ಮಣ್ಣೊಳಗೆ ಮಣ್ಣಾಗುವ ಶವಗಳಿಗೂ ಹುಗಿಯಲು ಮಾಡಿದ್ದಾರೆ ಬೇರೆ ಬೇರೆ ಜಾತಿಯ ನೆಲ; ಪಂಚ- ಭೂತಗಳಿಗಿಲ್ಲ ಇಂಥ ಸೂತಕವೆಂಬುದ ಅರಿಯುತ್ತಲೇ ಇಲ್ಲ ಮನುಕುಲ. ಡಾ. ಬಸವರಾಜ ಸಾದರ

ಕಣವಿ ಕಾವ್ಯದ ಬಣವಿ ಸದುವಿನಯದ ಕವಿತ್ವ ಬೆಳೆದು ಚೆಂಬೆಳಕ ಒಟ್ಟಿದರು ನಮ್ಮ ಕಣವಿ; ಕಣ ಮಾಡಿ ಹಂತಿ ಹೂಡಿ, ಒಕ್ಕಬೇಕಿದೆ ಸರ್ವ- ಹೃದಯ ಸಂಸ್ಕಾರಿ ಕಾವ್ಯದ ಬಣವಿ. ಡಾ. ಬಸವರಾಜ ಸಾದರ.

ವೇಷ-ದ್ವೇಷ ಕಪಟ ವೇಷ ಮೋಸಕ್ಕೆ ದಾರಿ; ಪ್ರಕಟ ದ್ವೇಷ ಸರ್ವರ ಸಂಹಾರಿ. ಡಾ. ಬಸವರಾಜ ಸಾದರ

ಅಜ್ಜನೆಟ್ಟಾಲ ಇದು ಮುನ್ಸಿಪಾಲಿಟಿ ಮಂದಿ ಕೆಡಹ ಬಂದಿದ್ದಾರೆ ರಸ್ತೆಯಗಲಕ್ಕೆ ಇನ್ನೇನು ಒಂದೆರಡು ಗಳಿಗೆಯಲಿ ಈ ದೈತ್ಯ ಮಗುಚಿ ಬಿದ್ದಾನಯ್ಯೊ ! ಯುಗಮುಗಿದ ಹಾಗೆ ! ನಿಂತು ನೋಡಿದೆ ಕೊನೆಯ ಬಾರಿ ನೋಡುವ ಹಾಗೆ ಇನ್ನಿಲ್ಲ ಈ ಪಟ್ಟಣದಿ ಆದಿಪರ್ವ ಕಣ್ಣುಮುಚ್ಚಿದರು ಸೊಂಡಿಲೆತ್ತಿ ಬರುವಂಥ ಇದರ ಠೀವಿಯು ಇನ್ನು ಕನಸಿನಲಿ ಮಾತ್ರ ನಾಲ್ಕಾರು ತಲೆಮಾರುಗಳ ನೋಡಿದೀ ಮರದ ಕೆಳಗೆ ಪಟ್ಟಾಂಗ ಹೊಡೆದವರೆಷ್ಟೋ ಮಂದಿ ಗಾಂಧಿ ನೆಹರು ಪ್ರಭಾತಫೇರಿ ಇಲ್ಲಿನ ಯುವಕ ರನ್ನು ಬಡಿದೆಬ್ಬಿಸಿದ ಕತೆ ಇತಿಹಾಸವಾಗಿ ಕಾಗೆ ಕೋಗಿಲೆ ನವಿಲು ಗೊರವಂಕ ಇತ್ಯಾದಿ ಹಕ್ಕಿಗಳ ಚಿಲಿಪಿಲಿಯಿಲ್ಲಿ ಸಂಜೆ ಮುಂಜಾನೆ ಹಸಿರುಮುಕ್ಕಳಿಸುವೆಲೆಗಳ

ಪುಸ್ತಕಗಳ ಓದಿನಿಂದ ಜ್ಞಾನ ಕೋಶ ತೆರೆದುಕೊಳ್ಳುತ್ತದೆ. ಪ್ರವಾಸಗಳಿಂದ ಅನುಭವಕೋಶ ತೆರೆದುಕೊಳ್ಳುತ್ತದೆ. ಆದ್ದರಿಂದಲೇ ತಮ್ಮ ಜ್ಞಾನಾನುಭವಗಳನ್ನು ಹೆಚ್ಚಿಸಿಕೊಳ್ಳಬೇಕೆನ್ನುವವರು ಕೋಶ ಓದುತ್ತಾರೆ, ದೇಶ ತಿರುಗುತ್ತಾರೆ. ಬೇರೆ ದೇಶವೇ ಆಗಬೇಕೆಂದಿಲ್ಲ. ನಮ್ಮದೇ ದೇಶವನ್ನಾದರೂ‌ ನಾವು ಆದಷ್ಟು ಹೆಚ್ಚು, ಸಾಧ್ಯವಾದರೆ ಪೂರ್ತಿ ನೋಡಲು ಪ್ರಯತ್ನಿಸಬೇಕು. ಒಂದೊಂದು ಹೊಸ ದೇಶ ನೋಡುತ್ತ ಹೋದಾಗಲೂ ನಮ್ಮೆದುರು ಹೊಸ ಜಗತ್ತು ತೆರೆದುಕೊಳ್ಳುತ್ತಹೋಗುತ್ತದೆ. ಪ್ರತಿಯೊಂದು ದೇಶದ ಜನಜೀವನ, ಸಂಸ್ಕೃತಿ, ಭಾಷೆ ಎಲ್ಲವೂ ಭಿನ್ನ ಭಿನ್ನವಾಗಿರುತ್ತವೆ. ಯಾವುದೇ ಒಂದು ದೇಶದಲ್ಲೂ ಅದೊಂದೇ ದೇಶವಿರುವದಿಲ್ಲ. ಅಲ್

ಸಾವಿರ ವರುಷಗಳ ಕನ್ನಡ ಕಾವ್ಯಗಳ ಭವ್ಯ ಪರಂಪರೆಯಲ್ಲಿ " ಕುಮಾರವ್ಯಾಸ ಮಹಾಕವಿಯ " ಕರ್ಣಾಟ ಭಾರತ ಕಥಾಮಂಜರಿ" ಗೆ ವಿಶಿಷ್ಟ ಸ್ಥಾನವಿದೆ. ಈ ಕವಿಯ ಬಗ್ಗೆ , ಕಾವ್ಯದ ಬಗ್ಗೆ ಸಾಕಷ್ಟು ಸಾಹಿತ್ಯರಚನೆ ಆಗಿದೆ. ಕನ್ನಡದ ಹಿರಿಯರೆಲ್ಲರೂ ಬರೆದಿದ್ದಾರೆ. ಆದ್ದರಿಂದ ನಾನು ಹೊಸದಾಗಿ ಹೇಳುವಂತಹದೇನಿಲ್ಲ. ಹಾಗೆ ಹೇಳುವ ಯೋಗ್ಯತೆಯೂ ನನ್ನದಲ್ಲ. ಒಬ್ಬ ಕಾವ್ಯಾಭ್ಯಾಸಿಯಾಗಿ, ಒಬ್ಬ ಗಮಕಿಯಾಗಿ ನಾನು ಅದನ್ನು ಓದಿದ್ದೇನೆ. ನನ್ನ ಸಾಮರ್ಥ್ಯಕ್ಕೆ ತಕ್ಕಷ್ಟು ತಿಳಿದುಕೊಂಡಿದ್ದೇನೆ. ಸಮುದ್ರದಲ್ಲಿ ನಮ್ಮ ಕೈಗಳನ್ನು ಹಾಕಿದರೆ ನಮ್ಮ ಬೊಗಸೆಯಲ್ಲಿ ಎಷ್ಟು ನೀರು ಹಿಡಿಯಲು ಸಾಧ್ಯವೋ ಅಷ್ಟನ್ನು ಹಿಡಿದಂತೆ ಇ

ಗುಡುಗುಡಿಸಿತು ಆರ್ಭಟಿಸಿತು ನಭ ರಣರಂಗ ನಗಾರಿ ಮೃಡನ ಡಮರುಗವೋ ಕಾಲನ‌ ಕಂಠಾರವವೋ ಕಿಡಿ ಸೂಸುವ ಕಾರ್ಮೋಡದಿ ನೀರ್ಗಲ್ಲಿನ ತಣಿವು ನಂಟಿನ ಕಹಿ ಮನಸುಗಳಡಿ ಪ್ರೀತಿಯ ಸಿಂಚನವು ಹನಿಯೊಡೆಯಿತು ಧೋ ಸುರಿಯಿತು ತಣಿಸಿತು ಭೂರಮೆ ತನುವ ಕಿರುಚಿತು ಕಂಬನಿಯಿಟ್ಟಿತು ಬಂಧವು ಕ್ಷಮಿಸಿತು ಮನವ ತಣಿದ ನೆಲವದು ಬೀಜಾಂಕುರಿಸಿ ಹಸಿರ ಕಾಣಲು ಕಾದಿದೆ ನೋಂತ ಮನವದು ಬಂಧ ಬೆಸೆಯಲು ಹೊಸತು ಕನಸನು ಕಂಡಿದೆ ದೃಷ್ಟಿ ಸೃಷ್ಟಿಯ ತುಲನೆಯಲ್ಲಿದೆ ಸಾಮಗಾನದ ಲಹರಿಯು ಕಲಿವ ಮನಸಿಗೆ ಪ್ರಕೃತಿ ಆಟವೆ ತಿಳಿವ ಜೀವನ ಪಾಠವು #ಸಂತೋಷಕುಮಾರ ಅತ್ತಿವೇರಿ ಸಂತೋಷಕುಮಾರ ಪಾಟೀಲ, ಉತ್ತರ ಕನ್ನಡ ಜಿಲ್ಲೆಯ ಮುಂಡಗೋಡ ತಾಲ್ಲೂಕಿನ ಸುಂದರ

ಸ್ವಾರ್ಥದ ಮಬ್ಬಿನಲಿ ಸಣ್ಣಾದೀತು ಬದುಕು..! ಕಾಮ, ಕ್ರೋಧ ಮದ ಲೋಭಕಿ, ಜಬಲಗ ಘಟಮೆ ಖಾನ| ಕಬೀರ ಮೂರಖ ಪಂಡಿತಾ, ದೋನೊ ಏಕ ಸಮಾನ|| ಅರಿಷಡ್ವರ್ಗಗಳಾದ ಕಾಮ, ಕ್ರೋಧ, ಲೋಭ, ಮೋಹ, ಮದ, ಮತ್ಸರಗಳ ಪ್ರಭಾವದಿಂದ ಮನುಷ್ಯ ಮೃಗಕ್ಕಿಂತಲೂ ಕಡೆಯಾಗಿ ವರ್ತಿಸುತ್ತಾನೆ. ಮಾನವ ದಾನವನಾಗುತ್ತಾನೆ. ಇಂಥ ಸಂದರ್ಭದಲ್ಲಿ ಎಷ್ಟೇ ವಿದ್ವಾಂಸನಾದರೂ ಆತನ ಬುದ್ಧಿ ಭೃಷ್ಟವಾಗಿ, ಸಾಮಾನ್ಯ ಜನರಂತೆ ವಿವೇಚನೆ ಕಳೆದುಕೊಳ್ಳುತ್ತಾನೆ. ಕೆಲವು ಸಲ, 'ಇಷ್ಟು ಕಲಿತವರಾಗಿ, ತಿಳಿದವರಾಗಿ ಇಂಥ ಕೆಟ್ಟ ಕೆಲಸ ಮಾಡಬಾರದಿತ್ತು" ಎಂಬ ಮಾತು ಸಮಾಜದಲ್ಲಿ ಕೇಳಿ ಬರುತ್ತವೆ. ಆದರೆ ಧನ, ಸಂಪತ್ತು, ಅಧಿಕಾರದ ಮದದಿಂದ ಮನುಷ್ಯ ವಿವೇಚನಾ ಶ

ಓ,,,,ಬಾರತಾಂಬೆಯ ವೀರ ಪುತ್ರ...... ನೀ ಉಗ್ರರ ಗುಂಡಿಗೆ ಗುಂಡಿಗೆಯೊಡ್ಡಿದ್ದು ವ್ಯರ್ಥವಾಗುವದಿಲ್ಲ ಎಂದಿಗೂ. ನೀ ಸತ್ತರೂ ಬದುಕಿ ಬದುಕಿಬರುತ್ತೀಯ ವರ್ಷದಲ್ಲಿ ಕೆಲವುಸಲ-- ರಾಷ್ಟ್ರೀಯ ಹಬ್ಬಗಳಲ್ಲಿ... ಅಗಷ್ಟ ೧೫,ಜನವರಿ೨೬ ಇತ್ಯಾದಿಗಳಲ್ಲಿ..... ಚುನಾವಣೆ ಸಮಯದಲ್ಲಿ... ರಾಜಕೀಯ ಬದಲಾವಣೆಗಳಲ್ಲಿ.... 'ಪರಮವೀರಚಕ್ರ'ಪೋಟೊ ರಾಜಕೀಯ ನಾಯಕರ ಘೋಷಣೆ,ಬಾಷಣಗಳಲ್ಲಿ...! ಬೇಸರಿಸ ಬೇಡ ಗೆಳೆಯ.. ಇದು,,,ಸಹಜ, ಆಟದ- ಮೈ'ದಾನ'ದಲ್ಲಿ ಆಟಗಾರ ಸತ್ತರೂ,ಸೋತರೂ 'ಕ್ಯಾಪ್ಟನ್'ಗಳ ಮುಗುಳ್ನಗು, ಕೈ ಕುಲುಕುವಿಕೆ, ಸಹಜ ನಡೆ ,ನಡೆಯುತ್ತದೆ-- ಇನ್ನೊಂದು 'ಆಟ'ದವರೆಗೆ. ನಾವು ಭಾರತೀಯರು, ನಮ್ಮ ಹಿಂದೆ ನಿನ್ನಂ

ಮನುಷ್ಯನ ಜೀವನದ ಗತಿ ಬದಲಾದಂತೆ ಸಾಹಿತ್ಯದ ಕುರಿತ ವ್ಯಾಖ್ಯೆ ಕೂಡ ಕಾಲಕಾಲಕ್ಕೆ ಬದಲಾಗುತ್ತಿರುವುದು ಚೋದ್ಯದ ಸಂಗತಿಯಾಗಿದೆ. ಪಂಪ, ರನ್ನ, ಜನ್ನ, ಪೊನ್ನ, ಕುಮಾರವ್ಯಾಸ ಮೊದಲಾದವರ ಕಾಲದಲ್ಲಿ, ಅಂದರೆ ಹಳಗನ್ನಡ ಮತ್ತು ನಡುಗನ್ನಡದ ಕಾಲದಲ್ಲಿ ಸಾಹಿತ್ಯವು ದೀರ್ಘವಾಗಿರಬೇಕು, ಅದರ ವಸ್ತು ಉದಾತ್ತವಾಗಿರಬೇಕು, ಹೇಳುವ ಕ್ರಮ ಗಂಭೀರವಾಗಿರಬೇಕು, ಭಾಷೆ ನೆಲಮಟ್ಟದಿಂದ ಮೇಲಿರಬೇಕು, ಛಂದಸ್ಸನ್ನು ಒಳಗೊಂಡಿರಬೇಕು ಎಂಬಿತ್ಯಾದಿ ನಿಯಮಗಳಿದ್ದವು. ನವೋದಯದ ಕಾಲದಲ್ಲಿ ವಸ್ತು ವಿಷಯ, ಸ್ವರೂಪ, ಭಾಷೆ, ಶೈಲಿ ಎಲ್ಲವೂ ಬದಲಾಯಿತು. ನವ್ಯದ ಕಾಲದಲ್ಲಿ ವ್ಯಕ್ತಿಯ ಅಂತರಂಗ ಶೋಧನೆಯೇ ಮುಖ್ಯವಾಯಿತು. ಅದಕ್ಕೆ ತಕ್ಕ

ಚೆಂಬೆಳಕಿನಿಂದ ಸವಿಗನ್ನಡ ಸುನೀತ, ಮಕರಂದದಿಂದ ನಾಡಿನಲಿ ಪ್ರಖ್ಯಾತ; ಸಮನ್ವಯದ ಕವಿ ಕಣವಿಯವರು ಇನ್ನಿಲ್ಲ! ಕನ್ನಡದ ಕಾವ್ಯ ಶ್ರೀ ಬಡವಾಯಿತಲ್ಲ! * ನಾಡೋಜ,ಪಂಪ, ರಾಜ್ಯೋತ್ಸವ ಪ್ರಶಸ್ತಿ, ಪುರಸ್ಕೃತರು,ಸಜ್ಜನರು, ಕನ್ನಡದ ಆಸ್ತಿ! ಯಾರನೂ ನೋಯಿಸದ ಸಹೃದಯಿ ಕಣವಿ! ಇನ್ನಿಲ್ಲ!ಕನ್ನಡತಿಯಾದಳೈ ಬಡವಿ! ಬೀರಣ್ಣ ನಾಯಕ ಹಿರೆಗುತ್ತಿ

ಚೆಂಬೆಳಕಿನ ಚೆನ್ನವೀರ ಕಣವಿ ಇನ್ನಿಲ್ಲ ಎಂದು ನಂಬುವುದು ಕಷ್ಟ. ಅವರ ಬಗ್ಗೆ ಅಭಿನಂದನ ಗ್ರಂಥದಲ್ಲಿ ಬರೆಯುತ್ತಾ ಕಣವಿ ಎಂಬ ಪದದೊಳಗೆ ಕವಿ ಇದ್ದಾನೆ ಎಂದಿದ್ದೆ. ಕವಿಯಂತೆ ಬದುಕಿ ಬಾಳಿದ ಹೃದಯವಂತ ಕವಿ ಚೆನ್ನವೀರ ಕಣವಿ ಅವರು. ನಾನು ಹೈಸ್ಕೂಲ್ ಓದುವಾಗ ಅವರ ಮಾತು ಕವನ ನಮಗೆ ಪಠ್ಯವಾಗಿತ್ತು. ಎಸ್.ಕೆ.ಪಿ ಜ್ಯೂ ಕಾಲೇಜು ಅರೆ ಅಂಗಡಿಯಲ್ಲಿ ಗುರುಗಳಾದ ಕೆ.ಎಸ್.ಹೆಗಡೆ ಕಾಜನಮನೆ ಅವರು ಅದನ್ನು ಹೇಗೆ ಓದಲು ಸಾಧ್ಯ ಎಂದು ಓದಿ ತಿಳಿಸಿದ್ದರು‌. ನಾನು ಅದನ್ನು ಹಾಗೆ ಮತ್ತೆ ಓದಿ ಕಂಠಪಾಠ ಮಾಡಿಕೊಂಡು ಎಂ.ಎ.ಓದುವಾಗ ಕಣವಿ ಅವರ ಮನೆಗೆ ಹೋಗಿ ಅವರ ಕವಿತೆಯನ್ನು ಸಾದರ ಪಡಿಸಿ ಅವರ ಮುಗುಳ್ನಗೆಯ ಅಭಿನಂದನೆಯ

ಗದಗ - ಹೊಂಬಳದ ಕನ್ನಡದ ಕುವರ! "ಚೆಂಬೆಳಕು " ಮನೆಯಿಂದ ಸಾಗಿದರೆ ಬಹುದೂರ!! ಜೀವಧ್ವನಿಯಾಗಿದ್ದ ಕವಿತೆಗಳ ನೀಡಿ! ನಾಡಗೀತೆಯ ಸೌಗಂಧ ಎಲ್ಲೆಡೆ ಹರಡಿ! ಹೋಗ ಬೇಕಲ್ಲಿಗೆ ಎಲ್ಲರೂ -ಒಂದಲ್ಲಾ ಒಂದು ದಿನ! ಸರಳ ವ್ಯಕ್ತಿತ್ವ - ಸಜ್ಜನಿಕೆಯ ನೆನಪಿಸುವುದು ಮನ!! ಕಥೆಗಾರ್ತಿ ಶಾಂತಾದೇವಿ - ಹಲವು ಕೃತಿಗಳ ಒಡತಿ! ಅವರಾಗಿದ್ದರು ಕನ್ನಡ ಸಾಹಿತ್ಯ ಲೋಕದ ಅನುಪಮ ದಂಪತಿ!! ದಯೆಯೇ ಧರ್ಮದ ಮೂಲವೆಂದವರು! ಪ್ರಶಸ್ತಿ - ಗೌರವಗಳಿಗೆ ಭಾಜನರಾದವರು!! ಹೊರಟು ಹೋದಿರಾ... ಮಹಾಮನೆಗೆ!! ಭವ ಬಂಧನವ ಕಳಚಿ ದೇವ ಸನ್ನಿಧಿಗೆ!! ಕನ್ನಡದಾರತಿಯ ಬೆಳಗಿಸಿದ ಹಿರಿಯ ಕಾವ್ಯ ಚೇತನ!! ಸಾಹಿತ್ಯದ

ಕರುಳ ಕೋರಿಕೆ ----------------- ಸಾಕಷ್ಟು ಸುಟ್ಟಿದ್ದೀರಿ ಈ‌, ನೆಲವ, ಈಗ ಮತ್ತಾವ ಕಡ್ಡಿಯನೂ ಗೀರಬೇಡಿ; ಉರಿವ ಬೆಂಕಿಯಲ್ಲಿ ನಿಮ್ಮ ಮೈಯ ಕಾಯಿಸಿಕೊಂಡು, ಹಡೆದವ್ವನನು ಬೂದಿ ಮಾಡಬೇಡಿ. ಡಾ. ಬಸವರಾಜ ಸಾದರ

ಆಣೆ ಸಾಕ್ಷಿ ----------------- ಆತ್ಮಸಾಕ್ಷಿ ಮರೆತ ಆಣೆಗಿಲ್ಲ ಕಾಣಿ ಬೆಲೆ; ಮನ ಮಂಜುನಾಥನ ವಂಚಿಸಿದರೆ, ಅಲ್ಲವೆ ಸತ್ಯದ ಕೊಲೆ? ಡಾ. ಬಸವರಾಜ ಸಾದರ

ಶೂನ್ಯಘಟ್ಟ. ----------------- ಮುಟ್ಟಬೇಕು ಮನುಷ್ಯ ಶೂನ್ಯದ ಮಟ್ಟವನ್ನು; ತಲುಪುತ್ತಾನೆ ಆಗ ಆತ ಆತ್ಮದ ದನಿ ಕೇಳುವ ಘಟ್ಟವನ್ನು. ಡಾ. ಬಸವರಾಜ ಸಾದರ