ಅಂತರಂಗದ ಪ್ರೀತಿಗಿದೆ ತ್ಯಾಗದ ಹೊಳಪು.. ಪ್ರೇಮ ಪ್ಯಾಲಾ ಜೊ ಪೀಯೆ, ಶೀಶ ದಕ್ಷಿಣಾ ದೇಯ| ಲೋಭ ಶೀಶ ನ ದೇಸಕೆ,ನಾಮ ಪ್ರೇಮಕಾ ಲೋಯ|| ಯಾವುದೇ ರೀತಿಯ ಪರಿಶುದ್ಧ ಪ್ರೀತಿಯಿದ್ದರೂ ಅಲ್ಲಿ ಕಷ್ಟ, ಹೋರಾಟ, ತ್ಯಾಗಗಳು ಇದ್ದೇ ಇರುತ್ತವೆ. ತಂದೆ, ತಾಯಿಯರು ತಮ್ಮ ಮಕ್ಕಳನ್ನು ಏಕೆ ಪ್ರೀತಿಸುತ್ತಾರೆ ಎಂದರೆ ಅವರು ಮಕ್ಕಳ ಭವಿಷ್ಯಕ್ಕಾಗಿ ತಮ್ಮ ಬೆವರು, ರಕ್ತ ಹರಿಸುತ್ತಾರೆ. ಸಮಾಜ, ದೇಶದ ಮೇಲೆ ಪ್ರೀತಿ ಇರುವ ಸಮಾಜ ಸುಧಾರಕರು, ದೇಶಭಕ್ತರು ತಮ್ಮ ಕುಟುಂಬ ಸ್ವಾಸ್ಥ್ಯ ವನ್ನು ತ್ಯಾಗ ನಾಡಿದ ಅನೇಕ ಉದಾಹರಣೆಗಳಿವೆ. ಇತರ ವ್ಯಕ್ತಿಗಳ ಮೇಲೆ ಪ್ರೇಮಭಾವ ಹೊಂದಿದವರು ಅವರಿಗಾಗಿ ಎಲ್ಲವನ್ನೂ ತ್ಯಾಗ ಮಾಡಲು ಸಿದ್

ಕರ್ನಾಟಕ ಜಾನಪದ ಅಕಾಡೆಮಿಯು ನನ್ನ ನೆಚ್ಚಿನ ಗುರುಗಳಾದ ಡಾ. ಶ್ರೀಪಾದ ಶೆಟ್ಟಿ ಅವರಿಗೆ " ಜಾನಪದ ತಜ್ಞ" ಪ್ರಶಸ್ತಿ ನೀಡಿ ಗೌರವಿಸಿದೆ. ಈ ಪ್ರಶಸ್ತಿ ನನ್ನ ಗುರುಗಳ ಪರಿಚಯ, ಅವರ ಸಾಹಿತ್ಯ ಕೊಡುಗೆ ಕನ್ನಡ ನಾಡಿನ ಎಲ್ಲೆಡೆ ತಲಪುವುದಕ್ಕೆ ಕಾರಣವಾಗಿದೆ. 🏆 💐 ಶೆಟ್ಟಿ ಪ್ರೊಫೆಸರ್, ಎಸ್. ಏನ್. ಶೆಟ್ಟರು , ಶ್ರೀಪಾದ ಶೆಟ್ಟರು ಹೀಗೆ ಬೇರೆ ಬೇರೆ ರೀತಿಯಾಗಿ ವಿದ್ಯಾರ್ಥಿ ಹಾಗೂ ಶಿಕ್ಷಕ ವೃಂದಗಳ ನಡುವೆ ಗುರುತಿಸಿಕೊಳ್ಳುತ್ತಿದ್ದ ಡಾ. ಶ್ರೀಪಾದ ಶೆಟ್ಟಿ ಪ್ರೊಫೆಸರ್, ನನ್ನ ಕನ್ನಡದ ಗುರುಗಳಾಗಿದ್ದರು, ಅಂಕೋಲೆಯ ಜಿ . ಸಿ . ಕಾಲೇಜಿನಲ್ಲಿ . ನಾನು ವಿಜ್ಞಾನದ ವಿದ್ಯಾರ್ಥಿಯಾಗಿದ್ದುದರಿಂದ, ಅವರ

ಮೊನ್ನೆ ನನ್ನಾಕೆ ಜೊತೆ ದೇಗುಲಕೆ ಹೋಗಿದ್ದೆ ಭಕ್ತಿ ಭಾವಗಳೋ ನನ್ನೊಳಗೂ ಉಂಟು.. ಕೈಮುಗಿದು ತಲೆ ಬಾಗಿ ವಂದಿಸಿ ಪ್ರದಕ್ಷಿಣೆ ಹಾಕಿ ನೆಲಕೆ ಹಣೆಯೂರಿ ದೈವಕ್ಕೆ ಶರಣಾದೆ.. ಇಷ್ಟಾಗಿ ಮತ್ತೇನು ಯಾಚಿಸಿದೆ ಯಾಜಕನ ತೀರ್ಥ, ಪ್ರಸಾದಕ್ಕಾಗಿ.. ಮಡಿವಂತ ಅರ್ಚಕನವ ಸ್ಪರ್ಷಿಸದೆ ನನ್ನಂಗ ತೂರಿದ ಹಸಾದವನು ಹಳಸಲಾಗಿ ರಬ್ಬರ್ ಸ್ಟಾಂಪುಗಳ ಗತ್ತು ಹಾಗಿರಲಿ ಬರಿ ಮನುಷ್ಯನ ಕಲಕದೇನು ಈ ಪಾಡಿಗಾಗಿ? ಮನದ ತಿಳಿ ತೊಟ್ಟಿಯನು ಕಲಕಿದನುಭವವಾಗಿ ಹತ್ತು ಯೋಚನೆ ಹುಟ್ಟಿ ಟಿಸಿಲೊಡೆದು ನೂರಾಗಿ ಹಲುಬತೊಡಗಿದೆ ನಾನು ಆತ್ಮಗತನಾಗಿ,ವಿಹ್ವಲಚಿತ್ತನಾಗಿ.... ರಾಮ ರಕ್ಷಾ ಸ್ತೋತ್ರದಲಿ 'ವಿಪ್ರ ಪ್ರಿಯಂ' ಎಂದು ರಘುಕುಲೋತ್ತಮನ

ಧರ್ಮದ ದಾರಿಯಲಿ ಬದುಕು ದಕ್ಕೀತು..! ಕರ್ಮ ಫಂದ ಜಗ ಫಾಂದಿಯಾ, ಜಬತಬ ಪೂಜಾ ಧ್ಯಾನ| ಜಾಹಿ ಶಬ್ದತೆ ಮುಕ್ತಿ ಹೋಯ, ಸೊ ನ ಪರಾ ಪಹಿಚಾನ|| ವಿಜ್ಞಾನ ಮತ್ತು ತಂತ್ರಜ್ಞಾನ ಎಷ್ಟೇ ಮುಂದುವರೆದರೂ ಮನುಷ್ಯನ ಸ್ವಭಾವ, ಜಗತ್ತಿನ ಮೂಲಭೂತ ತತ್ವ, ಮತ್ತು ಭಾವನೆಗಳಲ್ಲಿ ಅಷ್ಟೇನೂ ಬದಲಾವಣೆ ಆಗಲಾರದು. ಕಾಲ ಮತ್ತು ಪರಿಸ್ಥಿತಿ ಬದಲಾದರೂ ಕೆಲವೊಂದು ವಿಷಯಗಳು ನಿರೀಕ್ಷಿತ ಬದಲಾವಣೆ ಕಾಣದಿರುವದು ವಿಶೇಷ. ಆಹಾರ, ಭಯ, ನಿದ್ರಾ, ಮೈಥುನ ಮುಂತಾದವುಗಳು ಜೀವನಕ್ಕೆ ಅವಶ್ಯ. ಆದರೆ ಕೇವಲ ಇವುಗಳ ಜಾಲದಲ್ಲಿ ಮುಳುಗಿದ ಮನುಷ್ಯನಿಗೆ ನೈಜ ಬದುಕಿನ ದರ್ಶನ ಆಗುವದೇ ಇಲ್ಲ. ಈ ಕರ್ಮ ಬಂಧನದಿಂದ ಹೊರಬಂದು ಶಾಂತವಾಗಿ ಆಲೋಚನೆ

ಗುರು-ಹಿರಿಯರ ಧಿಕ್ಕರಿಸಿ ಪರಿತಪಿಸದಿರು.. ಗುರು ಆಜ್ಞಾ ಮಾನೆ ನಹಿ, ಚಲೆ ಉಟಪಟಿ ಚಾಲ| ಲೋಕ ವೇದ ದೋನೊ ಗಯೆ, ಆಯೆ ಸಿರಪರ ಕಾಲ|| ಸನಾದಿ ಕಾಲದಿಂದ ಭಾರತೀಯ ಸಂಸ್ಕೃತಿಯಲ್ಲಿ ಗುರುವಿಗೆ ಅತ್ಯುನ್ನತ ಸ್ಥಾನವಿದೆ. ತಂದೆ-ತಾಯಿ, ಹಿತ ಚಿಂತಕರು, ಶಿಕ್ಷಕರು, ಬಂಧು-ಮಿತ್ರರು ಬೇರೆ ಬೇರೆ ರೂಪಗಳಲ್ಲಿ ಮಾರ್ಗದರ್ಶನ ಮಾಡುತ್ತಲೇ ಇರುತ್ತಾರೆ ಆದರೆ ಇವರೆಲ್ಲರಲ್ಲಿ ಅತ್ಯಂತ ಅನುಭವಿ, ಜ್ಞಾನಿ, ಚಿಂತಕ, ಮಾರ್ಗದರ್ಶಕನಾದ ಗುರುವಿನ ಮಾತು ಪಾಲಿಸುವದರಲ್ಲಿ ಎಲ್ಲ ಹಿತ ಅಡಗಿದೆ. ಗುರುವಿನ ಹಿತನುಡಿಗಳನ್ನು ಅರ್ಥ ಮಾಡಿಕೊಂಡು ಜೀವನದಲ್ಲಿ ಅವುಗಳನ್ನು ಅಳವಡಿಸಿಕೊಂಡು ಶಿಷ್ಯರು ಸಾಧನೆಯ ಔನ್ನತ್ಯಕ್ಕೆ ತಲುಪಿದ್ದ

ಜ್ಞಾನದಿಂದ ವಿನಯ ಮೈಗೂಡಿದರೆ ಅಮೃತ..! ಪಡಿ ಪಡಿ ಕೆ ಪತ್ಥರ ಭಯೆ, ಲಿಖಿ ಭಯೆ ಜುಯಿಟ| ಕಬೀರ ಅಂತರ ಪ್ರೇಮ ಕಾ, ಲಗೊ ನೇಕ ನ ಝಿಟ|| ಜೀವನದಲ್ಲಿ ಪಡೆಯುವ ಜ್ಞಾನ ಮನುಷ್ಯನ ಮನ ಪರಿವರ್ತನೆಗೆ ದಾರಿಯಾಗುತ್ತದೆ ಎಂಬುದು ಜ್ಞಾನಿಗಳ ನುಡಿ. ಅರಿವಿನ ಜ್ಯೋತಿ ಬೆಳಗುವ ಮನುಷ್ಯನ ಅಂತರಾಳದಲ್ಲಿ ಮಾನವೀಯತೆಯ ಬೆಳಕು ಬೀಳುವದು ಅಪೇಕ್ಷಣೀಯ. ಆದರೆ ಹೆಚ್ಚೆಚ್ಚು ಓದಿದ ಜನ ವಾಸ್ತವದಲ್ಲಿ ಸಂವೇದನಾ ರಹಿತರಾಗುತ್ತಿರುವದು ಆಧುನಿಕ ಜಗತ್ತಿನ ವಿಪರ್ಯಾಸಗಳಲ್ಲೊಂದು! ಹಿಂದಿನ ಕಾಲದ ಜನ ಅನಕ್ಷರಸ್ಥರಾಗಿದ್ದರೂ ಭಾವನಾ -ಜೀವಿಗಳಾಗಿದ್ದರು. ಸಂಬಂಧಗಳಿಗೆ ಅವರು ಎಲ್ಲಿಲ್ಲದ ಪ್ರಾಮುಖ್ಯತೆ ನೀಡುತ್ತಿದ್ದರು. ಅಲ್ಲದೇ ಇತ

ಹೃದಯಹೀನತೆ ಮಾಂಸದ ಜೊತೆ ಈಗ ನನ್ನ ಹೃದಯಕ್ಕಾಗಿ ಕೊಲ್ಲುತ್ತಿದ್ದಾರೆ ಈ ಮಂದಿ! ಎದೆ ಬಿರಿವಂತೆ ದುಃಖಿಸಿ ದುಃಖಿಸಿ ಅಳತೊಡಗಿತು ಸಾಕಿದ ಹಂದಿ!! ಡಾ. ಬಸವರಾಜ ಸಾದರ

ದುಃಖ-ಸುಖ ಹೆರುವ ನೋವು ತಾಯಿಗೆ ಗೊತ್ತು, ಬರೆವ ಕಷ್ಟ ಕವಿಗೆ ಗೊತ್ತು; ಹೆತ್ತ ಸುಖ, ಬರೆದ ಸಂತಸ ಮಾತ್ರ ಅವರಿಬ್ಬರದೆ ಸೊತ್ತು. ಡಾ.‌ಬಸವರಾಜ ಸಾದರ

ದೃಷ್ಟಿದೋಷ ದೂರದ ವಸ್ತು ಸಣ್ಣದು, ಹತ್ತಿರದ್ದು ದೊಡ್ಡದಾಗಿ ಕಾಣಲು ಕಾರಣ ಕಣ್ಣಿನ ಮಸೂರ; ವಸ್ತುದೋಷವೆಂದು ಅದನ್ನು ನಿರ್ಣಯಿಸುವುದು ಅಲ್ಲ ಅಂದುಕೊಂಡಷ್ಟು ಸಸಾರ. ಡಾ. ಬಸವರಾಜ ಸಾದರ

ಹಗುರ ಭಾರ ಭಾರವಾದರೆ ಹೊತ್ತು ಓಡಾಡುವ ದುಃಖದ ಗಂಟು, ಇಳುಹಿ ಹಂಚಿಕೊಳ್ಳಲೆಂದೇ ಇದೆ ನೆರೆ-ಹೊರೆಯ ನಂಟು, ಹೊರದಿದ್ದರೂ ಅನ್ಯರು ಪೂರ ಭಾರ, ಹಂಚಿಕೊಂಡಷ್ಟೂ ಆಗುವುದು ಕೊಂಚ ಹಗುರ. ಡಾ. ಬಸವರಾಜ ಸಾದರ

ಸೋಲು- ಗೆಲುವು ಅಹಂಕಾರದ ಯುದ್ಧದಲ್ಲಿ ಗೆದ್ದವನಿಗೆ ಸೋಲು, ಸೋತವನಿಗೆ ಗೆಲುವು; ಮನವು ಬದಲಾದರೆ, ಗೆಲ್ಲುವುದು ಒಲವು, ಒಲವೊಂದೇ ಈ ಜಗವ ಬೆಸೆವ ಬಲವು. ಡಾ. ಬಸವರಾಜ ಸಾದರ

ಆತ್ಮವಿಶ್ವಾಸ ಬದುಕಿನ ನಿತ್ಯ ಪ್ರೇರಣೆ ಆತ್ಮವಿಶ್ವಾಸ; ಅದು ಕುಂದಿದ ಕ್ಷಣವೇ ಕ್ಷೀಣವಾಗುವುದು ಮನುಷ್ಯನ ಶ್ವಾಸೋಚ್ವಾಸ. ಡಾ. ಬಸವರಾಜ ಸಾದರ.

ಜೀವಂತ ದೇವರು ಕಲ್ಲು ಕಟೆದು ಚಿನ್ನ ಕರಗಿಸಿ ಮಣ್ಣು ಮಿದ್ದಿ ಕಟ್ಟಿಗೆ ಕೊರೆದು ದೇವರ ಮೂರ್ತಿಗಳ ಮಾಡುತ್ತಲೇ ಬಂದಿದ್ದಾನೆ ಮನುಷ್ಯ! ತನ್ನೊಳಗಿನ ದೇವರನ್ನು ಕಂಡುಕೊಳ್ಳಲು ಇನ್ನೂ ಆಗಿಯೇ ಇಲ್ಲ ಅದೇ ಮನುಷ್ಯ!! ಡಾ. ಬಸವರಾಜ ಸಾದರ

ಸಾಕ್ಷರನಾಹುತ ಭಾಷೆಯ ಹದ ಕೆಡಿಸಿದವರು ಯಾರು? ಭಾಷೆಗಳ ಕಲಿತವರು; ದೇಶದ ಮುದ ಗುಡಿಸಿದವರು ಮತ್ತಾರು? ಪ್ರೀತಿಯ ನೆಲದಲ್ಲಿ ದ್ವೇಷದ ಬೀಜ ಬಿತ್ತಿದವರು. ಡಾ. ಬಸವರಾಜ ಸಾದರ

ತುಲಾಸಂಕಟ ಅಳತೊಡಗಿದವು ಚಿನ್ನ-ಬೆಳ್ಳಿ. ಬಿಕ್ಕಿ ಬಿಕ್ಕಿ! ಕಬ್ಬಿಣದ ತಕ್ಕಡಿಯಾಯ್ತು ಕಕ್ಕಾಬಿಕ್ಕಿ!! ಯಾಕೆಂದು ತಿಳಿಯದೆ ಕಣ್ತೆರೆದು ನೋಡಲು; ತನ್ನೊಂದು ಪರಡಿಯಲ್ಲಿ ಬೆಳ್ಳಿ-ಚಿನ್ನ; ಮತ್ತೊಂದರಲಿ ಕಂಡದ್ದು ಭ್ರಷ್ಟರನ್ನ!! ಡಾ. ಬಸವರಾಜ ಸಾದರ

ಸುಳ್ಳಿನ ಮಾಲೆ ಸುಳ್ಳು ಸೃಷ್ಟಿಸುವವರು ಕಳ್ಳರು, ಸುಳ್ಳು ಸಮರ್ಥಿಸುವವರು ಭಂಡರು, ಸುಳ್ಳು ಒಪ್ಪಿಕೊಳ್ಳುವವರು ಒಳ್ಳೆಯವರು, ಸುಳ್ಳು ತಿದ್ದಿಕೊಳ್ಳುವವರು ಉತ್ತಮರು, ಮತ್ತೆ ಸುಳ್ಳಿನ ಗೋಪುರ ಕಟ್ಟದೆ ಬದುಕುವವರು ಪರಮ ಶ್ರೇಷ್ಠರು. ಡಾ. ಬಸವರಾಜ ಸಾದರ

ಸುಳ್ಳೇ ಪ್ರಮಾಣ ನೀರು-ಆಬು, ಅನ್ನ-ಮಮ್ಮು, ಹಾಲು-ದುದ್ದೂ, ಅಪ್ಪ-ಪಪ್ಪಾ ಅಮ್ಮ-ಮಮ್ಮಾ...; ಮೂಲ ಬದಲಾದಾಗಲೆ ಮಗುವಿಗೆ ಮೆಚ್ಚು; ಇಲ್ಲದಿರೆ ಹಿಡಿಯುತ್ತದೆ ಬಿಡದೆ ರಚ್ಚು. ಡಾ. ಬಸವರಾಜ ಸಾದರ.

ನೆರೆಯ ನೆರವು ನೇವರಿಸದಿದ್ದಲ್ಲಿ ಬಾಯೊಳಗಿನ ನಾಲಿಗೆ, ಸಂಕಟವೆ ಸಂಗಾತಿ ಹಲ್ಲಿನ ಪಾಲಿಗೆ: ಕೊಡು-ಕೊಳ್ಳು ಅಕ್ಕರತೆ ಇರಲಕ್ಕಪಕ್ಕ; ಬದುಕಿಗೆ ನೆಮ್ಮದಿಯು ಸಿಗುವುದು ಪಕ್ಕ. ಡಾ. ಬಸವರಾಜ ಸಾದರ.

ಡಾ. ಶ್ರೀಪಾದ ಶೆಟ್ಟಿಯವರಿಗೆ ಕರ್ನಾಟಕ ಜಾನಪದ ಅಕಾಡೆಮಿಯ " ಬಿ. ಎಸ್. ಗದ್ದಗಿಮಠ ಪ್ರಶಸ್ತಿ" ದೊರಕಿತೆಂದು ತಿಳಿದಾಗ ಆಶ್ಚರ್ಯವೇನೂ ಆಗಲಿಲ್ಲ. ತಡವಾಗಿ ದೊರಕಿತಲ್ಲ ಎಂದು ಬೇಸರವಾಯಿತು. ಹಾಗೆ ಆಗುವದೇನೂ ನಮ್ಮ ಇಂದಿನ ವ್ಯವಸ್ಥೆಯಲ್ಲಿ ಹೊಸದಲ್ಲ. ಅವರನ್ನು ಹೊನ್ನಾವರ ತಾಲೂಕಾ ಸಮ್ಮೇಳನದ ಅಧ್ಯಕ್ಷರನ್ನಾಗಿ ಮಾಡಿದಾಗಲೂ ನಾನು ಬೇಸರ ಪಟ್ಟುಕೊಂಡಿದ್ದೆ. ಜಿಲ್ಲಾ ಸಮ್ಮೇಳನದ ಸರ್ವಾಧ್ಯಕ್ಷ ಸ್ಥಾನದ ಗೌರವ ಪಡೆಯಲು ಬೇಕಾದ ಎಲ್ಲ ಯೋಗ್ಯತೆ, ಸಾಧನೆ ಅವರದು. ಕಳೆದ ನಾಲ್ಕು ದಶಕಗಳಿಗೂ ಮಿಕ್ಕಿದ ಅವರ ಸಾರ್ವಜನಿಕ ಬದುಕಿನತ್ತ ಕಣ್ಣು ಹಾಯಿಸಿದರೆ ನಮಗದು ಸ್ಪಷ್ಟವಾಗುತ್ತದೆ. ಆದರ್ಶ ಪ್ರಾಧ್ಯಾಪಕರಾಗಿ

ಜನರ, ಜನರಿಂದ, ಜನಪರ ಪ್ರಜಾಡಳಿತ! ಸಾರ್ವಕಾಲಿಕ ಸರ್ವ ಮಾನ್ಯ ಆಡಳಿತ! ನಮ್ಮದೇ ಸಂವಿಧಾನದ ಜಾರಿಯ ದಿನ! ಭಾರತೀಯರ ಕನಸು ನನಸಾದ ಸುದಿನ! ಅಂಬೇಡಕರರು ರಚಿಸಿದ ಸಂವಿಧಾನ! ಪ್ರಜಾಪ್ರಭುತ್ವದ ವ್ಯವಸ್ಥೆಗೆ ವರದಾನ! ಜನರ,ಜನರಿಂದ, ಜನಪರ ಪ್ರಜಾತಂತ್ರ! ಸ್ವಯಂಪ್ರಭುತ್ವ ಸಾಧಿಸಲು ದಿವ್ಯ ಸೂತ್ರ! ವಿಶ್ವ ಮಾನ್ಯತೆಯ ಅನುಪಮ ಸಂವಿಧಾನ! ಜಾರಿಯಲಿ ಬಂದ ಈ ದಿನ ಮಹಾ ಸುದಿನ! ಪ್ರತಿ ಪ್ರಜೆಯು ಸ್ವಯಂಪ್ರಭು ಎಂಬ ಪರಿಜ್ಞಾನ! ಮೂಡಿಸಿದ ಮಹಾನ್ ಚೇತನಗಳಿಗೆ ನಮನ! ಬೀರಣ್ಣ ನಾಯಕ ಹಿರೆಗುತ್ತಿ

ವ್ಯಸನಕ್ಕೆ ಬಲಿಯಾಗಿ ಕಸಕಿಂತ ಕಡೆಯಾಗದಿರು..! ಅವಗುಣ ಕಹೂಂ ಶರಾಬ ಕಾ, ಆಪಾ ಅಹಮಕ ಹೋಯ| ಮನುಷ ಸೆ ಪಶುವಾ ಭಯಾ, ದಾಮ ಗಾಂಠಸೆ ಖೋಯ|| ಆನಂದಕ್ಕಾಗಿ, ಸಹವಾಸ, ಫ್ಯಾಶನ್ ಮುಂತಾದ ಅನೇಕ ಕಾರಣಗಳಿಂದ ಮನುಷ್ಯನಿಗೆ ಕುಡಿತದ ಚಟ ಅಂಟಿಕೊಳ್ಳುತ್ತದೆ. ಆದರೆ ಮದ್ಯ ಸೇವನೆ ಎಂಬ ವ್ಯಸನ ಹೇಗೆ ಅಂಟಿಕೊಂಡರೂ ಅಂತಿಮವಾಗಿ ಅದರ ಪರುಣಾಮ ಮಾತ್ರ ಒಂದೆ. ಈ ಚಟದಿಂದ ಬಿಡಿಸಿಕೊಳ್ಳುವದು ಅಷ್ಟು ಸುಲಭವೂ ಅಲ್ಲ. ಮದ್ಯ ಸೇವನೆ ಒಳ್ಳೆಯದೊ, ಕೆಟ್ಟದ್ದೊ ಎಂಬ ಬಗ್ಗೆ ಅನೇಕ ವಾದ - ಪ್ರತಿವಾದಗಳು ನಡೆಯುತ್ತಲೇ ಇವೆ. ಮದ್ಯ ಸೇವನೆ ವೈಯಕ್ತಿಕ ವಿಷಯವಾದರೂ ಅದು ಅಳತೆ ಮೀರಿ ಮನುಷ್ಯ ಅದರ ದಾಸನಾದರೆ ಆತನ ಪರಿಸ್ಥಿತಿ ಮತ್ತು ಪ

ಚಾರುಕೇಶಿ ಅನ್ಯದೇಶೀಯರ, ಅನ್ಯಧರ್ಮೀಯರ ದಾಸ್ಯಕ್ಕೊಳಪಟ್ಟು ಅವರು ನಮ್ಮ ಬದುಕಿನ ಮೇಲೆ ಸವಾರಿ ಮಾಡಿದಾಗ ಹೇಗೆ ನಾವು ನಮ್ಮ ಅಸ್ಮಿತೆಯನ್ನು ಮರೆತು ಅವರನ್ನು ಅನುಕರಿಸುತ್ತೇವೆ ಎಂಬುದಕ್ಕೆ ಕೆಲವು ಹೆಸರುಗಳು, ಶಬ್ದಗಳು ಕೂಡ ದೃಷ್ಟಾಂತ ಒದಗಿಸಬಲ್ಲವು ಎಂಬುದು ಕುತೂಹಲಕರವಾಗಿದೆ. ‘ಚಾರುಕೇಶಿ’ ಎಂಬುದು ಅಂತಹ ಹೆಸರುಗಳಲ್ಲೊಂದು. ಸಂಗೀತದಲ್ಲಿ ‘ಚಾರುಕೇಶಿ’ ಎಂಬ ಒಂದು ರಾಗವೂ ಇದೆ. ಚಾರುಕೇಶಿ ಎಂದರೆ ಸುಂದರವಾದ ಕೂದಲುಳ್ಳವನು ಎಂದು ಅರ್ಥ. ಇದು ಸ್ತ್ರೀಯರ ಹೆಸರಲ್ಲ; ಪುರುಷರದ್ದು. ಹಿಂದಿನ ಕಾಲದಲ್ಲಿ ಹೆಂಗಸರಂತೆ ಪುರುಷರೂ ಉದ್ದಕೂದಲು ಬಿಟ್ಟು ತುರುಬು ಕಟ್ಟಿಕೊಳ್ಳುತ್ತಿದ್ದರು; ಹೆಣೆದು ಜಡೆ ಕಟ್

ತನು ಬೀಳುವ ಮುನ್ನ ಸುಜ್ಞಾನದೆಡೆಗೆ ನಡೆ...! ಜೀವನ ಕೋಯ ಸಮಝೆ ನಾಹಿ, ಮುವಾ ನ ಕಹ ಸಂದೇಶ | ತನ ಮನ ಸೆ ಪರಿಚಯ ನಾಹಿ, ತಾಕೊ ಕ್ಯಾ ಉಪದೇಶ|| ಸಮಾಜದಲ್ಲಿ ಒಳ್ಳೆಯ ಸಂದೇಶ, ವಿಚಾರಗಳನ್ನು ಹಂಚುವ ಜನರಿದ್ದರೂ ಸಹ ಅವುಗಳನ್ನು ಕೇಳುವ ತಾಳ್ಮೆ, ವ್ಯವಧಾನ ಯಾರಿಗಿದೆ? ಮತ್ತು ಕೇಳುವವರೆ ಇಲ್ಲದ ಮೇಲೆ ಹೇಳಿ ಏನು ಪ್ರಯೋಜನ? ಅನೇಕ ಪ್ರಕಾರದ ಜ್ಞಾನ, ಮಾಹಿತಿಗಳನ್ನು ಸಕಾಲದಲ್ಲಿ ಸ್ವೀಕರಿಸಿದಾಗ ಮಾತ್ರ ಅದರ ಪ್ರಯೋಜನ ಕಂಡು ಬಂದೀತು. ಇಂತ ಸಚ್ಚಿಂತನಗಳನ್ನು ಕೇಳಿಸಿಕೊಂಡು ಜೀವನದಲ್ಲಿ ಅಳವಡಿಸಿಕೊಂಡರೆ ಎಷ್ಟೋ ಸಮಸ್ಯೆ -ಗಳಿಗೆ ಪರಿಹಾರ ದೊರಕೀತು. ಯೌವನ ಅಥವಾ ಮಧ್ಯ ವಯಸ್ಸಿನ ದಿನಗಳಲ್ಲಿ ಒಳ್ಳೆಯ ವಿಚಾರಗ

ಸುಬ್ಬಣ್ಣ ರಂಗನಾಥ ಎಕ್ಕುಂಡಿ ಕನ್ನಡದ ಮಹಾನ್ ಕವಿಗಳಲ್ಲಿ ಒಬ್ಬರು. ‘ಕೆಂಡದ ಮೇಲೆ ನಡೆದವರಿಗೆ ಮಾತ್ರ ಕೆಂಡದ ಅನುಭವವನ್ನು ಬಣ್ಣಿಸಲು ಸಾಧ್ಯ’ ಎಂಬುದು ಎಕ್ಕುಂಡಿಯವರ ನಿಲುವು. ಎಕ್ಕುಂಡಿಯವರು ತಾವು ಶಿಕ್ಷಕರಾಗುವವರೆಗೆ ನಡೆದು ಬಂದ ಕೆಂಡದ ಮೇಲಿನ ನಡಿಗೆಯೇ ಇವರ ಕಾವ್ಯವನ್ನು ನಿರ್ದೇಶಿಸಿದೆ. ಸು. ರಂ. ಎಕ್ಕುಂಡಿ ರಾಣೆಬೆನ್ನೂರಿನಲ್ಲಿ 1923ರ ಜನವರಿ 20ರಂದು ಜನಿಸಿದರು. ಮನೆ ಸಾಗಿಸಲು ಪುಟ್ಟ ಎಕ್ಕುಂಡಿ ಬದುಕಿನ ಭಾರವನ್ನು ಹೊರಬೇಕಾಯಿತು. ಈ ಭಾರವಾದ ಬದುಕಿನ ಮಧ್ಯೆಯೂ ಎಕ್ಕುಂಡಿ ಓದಿನತ್ತ ಆಕರ್ಷಿತರಾದರು. ಸವಣೂರಿನಲ್ಲಿ ಶ್ರೀ ಸತ್ಯಭೋಧ ಸೇವಾಸಂಘ ನಡೆಸುತ್ತಿದ್ದ ವಾಚನಾಲಯದ ಪುಸ್ತಕವನ